Isaïas
60 “¡Sharkuy warmi!+ Aktsiki chipapätsun, aktsikiqa aktsirnam qallashqa.
Noqa Jehoväpa podernïqa qamchömi chipapanqa.+
2 ¡Rikë! Entëru patsam ampiranqa o tsakanqa,*
y entëru nacionkunatam yana pukutë tsaparkunqa.
Peru qampa janëkichöqa noqa Jehovämi chipapaqnö kashaq,
y qamchömi podernïta rikäyanqa.
3 Aktsikimanmi mëtsë nacionpita nunakuna shayämunqa,+
4 ¡Sharkur entëru lädukunaman rikachakuy!
Llapankunam juntakarkur qamman shamuykäyan.
5 Tsëkunata rikarmi tsë witsanqa alläpa kushikunki.+
Llapan shonquykiwanmi kushikunki.
Tsënöqa kanqa, lamarchö imëka väleqkuna qampa kaptin
y nacionkunapa imëkankunapis qampa kaptinmi.+
6 Madianpita y Efäpita+ camëllukunam
entëru markëkikunachö mëtsika kanqa.
9 Islakunachö kawaqkunaqa noqamanmi confiakayämunqa.+
Tarsispita barcukunapis tsurikikunatawan+ juntum
öruta y plätata apëkäyämun.
Tsë llapantaqa noqa Israelpa Diosnin alabashqa kanäpaq
y jutï Jehovärëkurmi apëkäyämun.+
10 Juk nacionpita nunakunam murällëkikunata rurayanqa,
y pëkunapa gobernaqninkunam qamta sirwiyäshunki.+
11 Mëtsë nacionkunapita imëka väleq cösaskunata apayämunampaqmi,
paqasta y junaqtapis punkuykikunaqa kicharëkanqalla.+
Tsëta rurëchöqa tsë nacionkunapa gobernaqninkunam
punta puntachö kayanqa.+
12 Peru mana sirwiyäshoqniki markakunachö
y nacionkunachö nunakunaqa wanuyanqam o wañuyanqam, y markankunapis ushakanqam.+
enebruta, fresnuta y cipresta.+
Chakï jarunampaq sitiutaqa alläpa shumaqtam tikratsishaq.+
14 Sufritsiyäshoqnikikunapa tsurinkuna shamurmi
puntëkiman qonqurikayämunqa.
Tsënöllam mana respetayäshoqnikikunapis puntëkiman qonqurikayämunqa.
Y Israelpa Limpiu Diosnin Jehoväpa Sion markan nirmi reqiyäshunki.+
15 Dejashqa, chikishqa y qamchö mana ni pï kanampa rantinmi,+
imëyaqpis alabashqa kanëkita permitishaq.
Awmi, qamta rikäshurnikim qamchö yureqkunaqa imëyaqpis alläpa kushishqa kayanqa.+
16 Imanömi juk mama llullu wamranta chichirnin* cuidan+
tsënöllam nacionkuna y gobernaqkunapis llapan wananqëkita* apayämunqa.+
Tsënömi noqa Jehovä kanqäta, salvakoq kanqäta, qamta yapë rantinqaqta
y Jacobpa kastankunapa puëdeq Diosnin kanqäta, llapan nunakuna musyayanqa.+
17 Cobripa rantinmi öru kanqa,
fiërrupa rantinmi pläta kanqa,
qerupa rantinmi cobri kanqa,
y rumipa rantinmi fiërru kanqa.
Imäpis alli yarqunampaq rikapakoq nunanömi qamchö yamë kawakuy kanqa,
y imatapis cuidaq nunanömi qamchö alli kaq rurë kanqa.+
18 Markëkikunachöqa manam maqanakuypaq
o imatapis ushakätsiyanqampaqqa wiyayanqanatsu,+
Murällëkikunatam Salvacion nir reqiyanqa+ y punkuykikunatanam Alabashqa nir reqiyanqa.
19 Noqa Jehovämi aktsiki cuenta kashaq,+ y shumaqtam tikratsishqëki.+
Awmi, noqam imëyaqpis aktsiki cuenta kashaq.
Tsëmi intipis o rupaypis aktsikinatsu kanqa
ni paqaspa killanatsu aktsiki kanqa.
20 Manam inti o rupay jeqanqatsu ni killapis ushakanqatsu.
Tsënöqa kanqa,
noqa Jehovä imëyaqpis aktsiki kaptïmi.+
Sufrinqëki tiempukunaqa ushakanqam.+
21 Qamchö kawaqkunaqa allillatanam rurayanqa,
y kë patsachömi imëyaqpis kawayanqa.
22 Wallkaqlla kaqkunam atska milman chäyanqa,
y mana kaqpaq churashqakunam puëdeq nacionman tikrayanqa.
Noqa Jehovämi tsëtaqa tiempunchö rurashaq”.