Isaïas
11 Jesëpa kastankunam+ juk troncunö+ kayan, y tsë troncum tseqllimunqa.+
Tsë watsiyoq o matsuyoq* troncupita tseqllimoq plantam wayunqa.
2 Pëqa Teyta Jehoväpa santu espïrituntam imëpis katsinqa.+
Tsë santu espïritum yachaq kanampaq,+ imatapis alli entiendinampaq,
alli consejakoq kanampaq,+ poderyoq kanampaq,
imatapis alli musyanampaq y Teyta Jehoväta respetanampaq yanapanqa.
3 Pëqa Teyta Jehoväta respetarmi kushishqa kanqa.+
Nunakunataqa manam imanö kayanqanllapitatsu juzganqa,
y manam wiyanqanllapitatsu pitapis correginqa.+
4 Pëqa alli kaqta rurarmi* waktsakunata juzganqa,
y manshu nunakunata yanaparmi nunakunata correginqa.
Pëqa tukruwannömi ninqankunawan nunakunata castiganqa,+
5 Alli kaqta ruranqanmi kallpayoqta tikratsinqa,
y confiakuypaq kanqanmi imëkachö yanapanqa,
y tsënö kanqanmi tseqlla watunnö kanqa.+
7 Wäkawan china ösupis juntum mikuyanqa,
y wawankunapis juntum punuyanqa,
y leonpis törunöllam päjata mikunqa.+
8 Llullu wamrapis* wanutsikoq culebrapa* uchkun kaqchömi pukllanqa,
y venënuyoq culebrapa qeshunmanmi juk wamra makinta churanqa.
Lamarchö yaku junta kanqannömi,
patsachö nunakunaqa Teyta Jehovä pï kanqanta musyayanqa.+
Mëtsë nacionpita nunakunam yanapanampaq ashiyanqa,+
y jamakunan sitiuqa alläpa shumaqmi kanqa.
11 Tsë witsanmi Teyta Jehoväqa sirweqninkunata yanapar puëdeq kanqanta rikätsikunqa, y Asiriapita,+ Egiptupita,+ Patruspita,+ Cuspita,+ Elampita,+ Sinarpita,* Hamatpita y islakunachö këkaq markakunapitam, kawëkar quedaq sirweqninkunata juntamunqa.+ 12 Llapan nacionkunapaqmi juk señalta churanqa y patsapa chuskun kuchunman apayanqampitam Israelpita+ y Judäpita nunakunata kutitsimunqa.+
13 Efrainpa kastankunaqa manam chikikoqnatsu kayanqa+
y Judä nunakunapa contran kaqkunataqa ushakätsiyanqam.
Efrainpa kastankunaqa manam Judä nunakunata chikipäyanqanatsu,
y Judä nunakunapis manam Efrainpa kastankunapa contran kayanqanatsu.+
14 Ishkankuna juntakarmi inti o rupay jeqanan
läduchö këkaq filisteu nunakunaman pelyaq ëwayanqa
y inti o rupay yarqamunan läduchö nunakunapa imëkankunatam apakuyanqa.
Tsënöllam Edompita+ y Moabpita+ nunakunatapis vencir ushakätsiyanqa,
y ammonïta nunakunatanam sirweqninkunaman tikratsiyanqa.+
Qanchis mayukunatapis achachaq jamaninwanmi tsakiratsinqa,
y nunakunaqa llanqishqallam tsëpa tsimpayanqa.