Amos
5 “Israel nunakuna kananmi cantamushaq llakikuypaq cancionkunata. Ima pasayäshunëkipaq kaqtam willayashqëki, wiyayämë:
2 ‘Ollquwan manaraq kashqa shipashnö këkarpis, Israelqa ishkishqam.
Manam sharkuyta* puëdintsu.
Markanchö jitarëkaqtam dejayashqa
y manam ni pï kantsu sharkatsinampaq’.
3 Llapanta Gobernaq Teyta Jehovämi kënö nin:
‘Juk marka mil soldädukunawan guërraman ëwarpis cienllawannam kutimunqa
y cien soldädukunawan ëwarmi chunkallawanna kutimunqa. Tsënömi israelïtakunata pasanqa’.+
4 Llapan israelïtakunatam Jehovä Dios kënö nin:
‘Kawayänëkipaqqa noqata adorayämë.+
6 Noqa Jehoväta adoramarqa kawakuyankim.+
Tsëta mana rurayaptikiqa, nina ushaqnömi Josëpa kastanta ushakätsishaq.
Tsënöllam Betel markatapis nina ushakätseqnö ushakätsishaq y manam pillapis upitsita* puëdinqatsu.
7 Qamkunaqa ajenjutanö asqaqta o ayaqtam justiciata tikratsiyanki
y alli rurëkunatanam despreciayanki.+
8 Noqam kamarqä, Kesil*+ jutiyoq grüpu estrëllakunata y Kimä* jutiyoq grüpu estrëllakunata.
9 Noqam mana pensayanqan höra kallpayoq nunakunata ushakätsishaq,
tsënöllam alli murallashqa markakunatapis ushakätsishaq.
10 Israel nunakuna, qamkunaqa markapa punkunchö justicia ruraq juezkunatam chikiyanki.
Rasumpa kaqta parlaqkunatam chikiyanki.+
11 Waktsakunatam murukuyanqan chakrakunapita cobrayanki
y tsaki mikuyninkunatam impuestutanö quedatsiyanki.+
Tsëmi llaqllashqa shumaq rumikunawan rurayanqëki wayikunachö kawayankinatsu,+
y plantayanqëki alli üvaskunapita rurashqa vïnuta upuyankinatsu.+
12 Mana cäsukoq kayanqëkita
y alläpa jutsata* rurayanqëkitaqa allim musyä.
Qamkunaqa päguta chaskipakurmi
culpannaq nunakunata culpatsayanki.
Markapa punkunkunachöpis manam waktsakunapaq justiciata rurayankitsu.+
13 Tsënö kayanqëkita rikarmi yachaq nunakunapis upällalla kakuyanqa.
Tsë witsankunaqa alläpam sufriyanqa.+
Tsëmi qamkuna niyanqëkinöpis yanapayashqëki,
noqaqa angelkunata mandaq Jehovämi kä.+
15 Mana allikunata dejar allikunatana rurayë.*+
Markapa punkunkunachö justiciata rurayë.+
Tsëta rurayaptikiqa, capazchi Josëpita quedaqkunata
noqa angelkunata mandaq Jehovä yanapëkushaq’.+
16 Tsëqa angelkunata mandaq Jehovä Dios ninqanta wiyayë. Teyta Jehovämi kënö nin:
‘Mëtsë pläzakunachömi llakishqa parlayanqa
y cällikunachömi alläpa llakishqa waqayanqa.
Chakrachö trabajaqkunatam qayatsiyanqa llakikuyänampaq
y pägupaq waqaqkunatam pagayanqa waqayänampaq’.
17 ‘Noqam qamkunata castiganäpaq* markëkikuna chowpimpa* pasamushaq
tsëmi llapan üvas chakrëkikunachöpis waqar puriyanki’+ ninmi Teyta Jehovä.
18 ‘¡Allaw imanöraq kayanqa, noqa Jehovä nunakunata juzganä tiemputa shuyëkaqkuna!+
¿Qamkunapaqqa imatan noqa Jehovä nunakunata juzganä tiempu?+
Tsë tiempuqa aktsipa rantinmi, alläpa ampinqa o tsakanqa.*+
19 Tsë tiempuqa, leonpita juk nuna qeshpir ëwëkarnin ösuwan tinkureqnö
y wayinman yëkur perqata yatëkuptin culebra kaneqnömi kanqa.
20 Noqa Jehovä nunakunata juzganä tiempuqa alläpam ampinqa o tsakanqa.*
Manam intipis o rupaypis rikakanqatsu.
21 Noqapaq rurayämunqëki fiestakunataqa despreciämi+ y melanämi.
Juntakëkur rupatsiyanqëki qarëkunapis manam gustamantsu.
22 Tsënöllam gustamantsu animalkunata pishtëkur rupatsiyämunqëki
y wakin qarëkunata rupatsiyämuptikipis.+
Noqawan amïgu këta munar wira* animalkunata rupatsiyämuptikipis manam chaskiyashqëkitsu.+
23 Manam wiyëta munätsu cantar büllayanqëkita
ni tocayanqëki müsicatapis.+
24 Noqaqa munä justicia rurayanqëki mana pärëpa ëwaq yakunö kanantam+
y allita rurayanqëki mana tsakeq yakunö kanantam.
25 Israel nunakuna, qamkunaqa manam cuarenta watapa tsunyaq jirkachö kayanqëki witsan animalkunata pishtëkur noqapaq rupatsiyämurqëkitsu.
Manam ima qarëtapis apayämurqëkitsu.+
26 Peru kananmi sïqa, rurayanqëki estrëlla santukunapaq apayanki.
Sakut y Kevan* santukunam gobernantikikuna kayan.