Amos
4 Samaria+ jirkakunachö këkaq warmikuna wiyayämë,
qamkunaqa Basan läduchö wäkakunanömi kayanki.
Faltapakoqkunatam suwapäyanki+ y waktsakunatam sufritsiyanki.
Y qowëkikunatam o runëkikunatam,* ‘¡upyayänäpaq washkuta apayämuy!’ niyanki.
2 Llapanta Gobernaq Teyta Jehoväqa alläpa limpium y jurarmi kënö nishqa:
‘“Chäramunqanam höra, ëtsata warkuyänan ganchukunawan
chikiyäshoqnikikuna warkuyäshunëkipaq, y quedaq kaqtana anzuëluwan pezcäduta sutaqnö apayäshunëkipaq.
3 Murällata juchutsirmi* cada ünuta tsëpa apayäshunki
y Harmonmanmi qarquyäshunki’ ninmi Teyta Jehovä.
5 Agradecikur levadürayoq tantata rupatsiyë.+
¡Qarëkunata rupatsiyanqëkipita kushishqa qayëkachäyë!
Israel nunakuna, tsëta rurëmi qamkunata gustayäshunki’ ninmi Llapanta Gobernaq Teyta Jehovä.
6 ‘Peru noqam, familiëkikunawan mallaqayänëkipaq
y më markachöpis mikuy mana kanampaq permitirqä,+
tsëta rurëkaptïpis manam arrepentikur noqaman kutiyämurqëkitsu’+ ninmi Teyta Jehovä.
7 ‘Cosëcha witsampaq kima killa pishikaptinmi tamyatsimurqänatsu.+
Juk markamanmi tamyatseq kä, wakinmanqa manam.
Tsëmi wakin chakrakunallaman tamyatsiptï
wakin chakrakunachö mikuykunaqa tsakireq.
8 Ishkë o kima markakunachö täkoq* nunakunam, yakunar kallpannaq këkarpis yaku kanqan markaman yaku mañakoq ëwayaq+
y yakuta tarir upuyaptimpis manam yakunëninkunaqa pasaqtsu.
Tsënö këkarpis manam arrepentikur noqaman kutiyämurqëkitsu’+ ninmi Teyta Jehovä.
9 ‘Alläpa achachëwanmi plantëkikunata tsakitsirqä y murukuynikikunatapis qeshyawanmi ushakätsirqä.+
Tsënam qamkunaqa mas huertakunata rurayarqëki y üvaskunatapis masta plantayarqëki,
peru hïgus plantëkikunata y olïvus plantëkikunataqa chukllush* kurukunam ushayarqan.+
Tsënö rurëkaptïpis manam arrepentikur noqaman kutiyämurqëkitsu’+ ninmi Teyta Jehovä.
10 ‘Egiptu nunakunata castiganqänömi, qamkunatapis raslla o saslla wanutsikoq qeshyawan castigarqä.*+
Jövinnikikunatam espädawan wanutsirqä o wañutsirqä+ y cawalluykikunatam apakurqä.+
Wanushqa nunakuna campamentuykikunachö asyar jitarayänantam permitirqä.+
Tsënö rurëkaptïpis manam arrepentikur noqaman kutiyämurqëkitsu’ ninmi Teyta Jehovä.
Ninapita sutamushqa tizonnömi kayanki,
tsënö rurëkaptïpis manam arrepentikur noqaman kutiyämurqëkitsu’+ ninmi Teyta Jehovä.
12 ‘Tsë llapantam rurayashqëki Israel nunakuna.
Tsëta ruranä këkaptinqa
Noqa Teyta Diosnikikunawan tinkunantsikpaq alistakuyë’.
13 ¡Rikäyë! Pëmi jirkakunata+ y vientutapis+ kamarqan.
Pëmi pensanqankunata nunakunata willan,
patsa waraptimpis ampiman o tsakëman* tikratsin,+
y mas altu kaq sitiukunatapis jarur ushan.+
Jutinqa angelkunata mandaq Jehovämi”.