Deuteronomiu
32 “Ciëluchö kawaqkuna parlanqäta wiyayë,
y patsachö kawaqkuna ninqäkunata wiyayë.
2 Yachatsikunqäqa tamyanömi jeqamunqa,
y parlanqäkunapis shullyanömi* shikwamunqa,
qorakunaman* chirapanqannö
y plantakunaman shikwamoq fuerti tamyanö.
3 Teyta Jehovä imanö kanqampitam parlamushaq.+
¡Teyta Dios alläpa puëdeq kanqanta musyatsikuyë!+
4 Pëqa qaqa cuentam, imëpis alli kaqllatam ruran.+
Tsëmi llapan ruranqampis allilla.+
Teyta Diosqa confiakuypaqmi,+ manam mana allikunata rurantsu.+
Pëqa alli kaqllatam imëpis ruran y rasun kaqllatam parlan.+
5 Qamkunam mana allitaqa rurayarqunki.+
Manam pëpa tsurinkunatsu kayanki. Kikikikunam imëka mana allikunata rurayanki.+
Qamkunaqa engañakoq y mana allita ruraq nunakunam kayanki.+
6 Upa nunakuna,+
teytëkikuna y kamashoqnikikuna* këkaptin,
përëkur kawëkarnin+ y përëkur nacionman tikrashqa këkarku,
Teyta Jehoväta tsënö agradecikuyanki.+
7 Unë witsankunaman yarpäyë,
tsë witsankunachö imanö kawayanqanman.
Papänikikunata tapuyë, y pëkunam willayäshunki.+
Awkin kaqkunata tapuyë, y pëkunapis willayäshunkim.
8 Llapanta Gobernaq Poderösu Diosqa, nacionkunata chakrankuna rakipar+
y Adanpa tsurinkunata* wakman këman rakirmi,+
Israelpa tsurinkuna+ ëkaq kanqanta rikëkur
cada markapaq lindërun churarqan.+
9 Sirweqninkunaqa Teyta Jehoväpam kayan.+
Jacobqa Teyta Diospa herencian cuentam.+
11 Volëta* yachatsinampaq,
qeshuchö llullunkunata pichak* tanqëkachanqannö,
y aptarkurnin älankunata kichëkur
plüman jananchö apanqannömi,+
12 Teyta Jehoväqa pusharqan,+
y manam mëqan santupis tsëtaqa rurarqantsu.+
Qaqapita yarqamoq mielta,
y pedernal qaqapita yarqamoq aceititam qararqan.
14 Tsënöllam qararqan wäkapa lichimpita mantequïllata,
üshapa lichinta, mas alli kaq üshakunata,
Basanpita carnërukunata, chïvukunata*
y mas allin kaq trïguta.+
Y üvaspita rurashqa vïnutam upuyarqan.
15 Jesurun* wirayarqa,* mana cäsukoq tikrarmi jëtëkacharqan.*
Wirayar puëdeq tikrarmi+
kamaqnin Dios Yayata qonqëkurqan,+
y salvaqnin qaqa cuenta Diostam despreciarqan.
17 Teyta Diospaq qarëkunata rupatsiyänampa rantinmi, demoniukunapaq,
mana reqiyanqan santukunapaq,
tsëraq reqiyanqan santukunapaq,
y unë kastankuna mana reqiyanqan santukunapaq qarëkunata rupatsiyarqan.+
18 Teytan këkaptinmi, qaqa cuenta Teyta Diosta qonqariyarqan+
y kawëkaqta këkätsiptinmi, Teyta Diosta yarpäyarqantsu.+
19 Warmipis ollqupis tsurinkuna cöleratsishqa kayaptinmi,
Teyta Jehoväqa pëkunata dejaskirqan.+
20 Tsëmi kënö nirqan: ‘Manam pëkunata yanapashaqnatsu.+
Mä imanöshi ushayanqa.
22 Cöleräqa ninanömi+
Sepultüra* rurinyaq chärinqa,+
patsata y murukuykunatam ushakätsinqa
y jirkakunapa chakintapis ruparmi usharinqa.
23 Imëka mana allikunapa pasayänantam permitishaq,
y pëkunamanmi mëtsika flëchakunata chätsishaq.
24 Mallaqëta pasayaptinmi kallpankunapis kanqatsu.+
Fiebriwanmi sufriyanqa, y pasëpam* ushakäyanqa.+
Ëtsa mikoq animalkunata+
y wanutsikoq culebrakunatam pëkunaman apamushaq.
25 Wayipita yarqoq tsurinkunatam espädawan wanutsiyanqa,+
y wayi rurinchö kaqkunaqa,
jövinkunapis y shipashkunapis,
26 Noqaqa, “më tsëman apashqa kayätsun
y ama pillapis pëkunata yarpätsunnatsu” nïmanmi karqan.
Capaz, “manam Jehovätsu kë llapanta rurashqa,
sinöqa noqantsikmi”+ niyanman karqan.
30 ¿Imanöparaq juk nunalla mil nunakunata qatikachanman
y ishkaq nunalla diez mil nunakunata qatikachanman?+
Tsënöqa pasanman qaqa cuenta Diosninkuna dejariptinllam,+
y chikeqninkuna ushakätsiyänanta Jehovä permitiptinllam.
31 Pëkuna adorayanqan santukunaqa,
manam qaqa cuenta Diosnintsiknötsu kayan+
y tsëtaqa kikinkunapis musyayanmi.+
32 Pëkunaqa Sodöma markachö üvas plantakunanö
y Gomörra markachö+ chakrakunanömi kayan.
Üvasninkunaqa venënuyoqmi kayan,
y sarta üvasninkunapis pochqunmi.+
33 Vïnunkunaqa wanutsikoq culebrapa venënunnö,
y cobra niyanqan culebrapa wanutsikoq venënunnömi.
34 Imanö portakuyanqantam rikarqö,
y tsë llapanmi yarpënïchö këkan.+
Ichikllachönam mana allikunapa pasayanqa,
y rurëninkunamannömi castigashqa kayanqa’.
37 Pëkunatam kënö ninqa:
‘¿Mëchötan këkäyan confiakuyanqëki santukuna?+
Qaqa cuenta tsapäyäshunëkipaqmi,
38 qarënikikunapa wiranta* rupatsiyarqëki
y vïnu qarëninkuna apayarqëki.+
Mä kanan yanapayäshuy,
imëkapita tsapäyäshuy.
Noqa permitiptïmi nunapis kawan o wanun.+
Noqa permitiptïmi nunakuna qeshyayan+ y alliyäyampis,+
y makïpitaqa manam nuna mayinta ni pï salvëta puëdintsu.+
40 Mana imëpis ushakaq Dios karmi,
41 Espädäta afilar alli kaqta ruranäpaq alistakurirmi,+
conträ kaqkunata+ y chikimaqnïkunata
rurëninkunamannö castigashaq.
42 Wanoqkunapa y prësukunapa yawarninwanmi,
flëchäqa machashqa cuenta këkanqa;
y espädäpis ëtsata mikoq cuentam,
dirigeqninkunapa peqanta o umanta roqunqa’.
43 Sirweqninkunata wanutseqkunatam pëqa castiganqa,+
tsëmi mëtsë nacionpita nunakuna sirweqninkunawan juntu kushikuyë.+
Contran kaqkunata rurëninkunamannö castigarmi,+
sirweqninkuna kawayanqan markakunata limpiuyätsinqa”.
44 Tsënömi Moisesqa Nunpa tsurin Hosëawan*+ këkarnin, llapan israelïtakunata kë cancionta leyiparqan.+ 45 Y israelïtakunata tsë llapanta nirirmi, 46 Moisesqa kënö nirqan: “Kanan ninqäkunataqa manam imëpis qonqayänëkitsu,+ y tsë Leyta cäsukuyänampaqmi tsurikikunata yachatsiyänëki.+ 47 Ninqäkunata cäsukurqa, Jordan mayuta* tsimpar yëkuyanqëki markakunachömi, atska watapa kawayanki.+ Tsëmi ninqäkunata mana kaqpaq churayänëkitsu”.
48 Tsë kutim Teyta Jehoväqa Moisesta kënö nirqan: 49 “Abarimchö këkaq Nëbu jirkaman+ witsë,+ y israelïtakunata entreganäpaq Canaanchö markakunata rikë. Tsë jirkaqa Jericö markapa tsimpan Moabchömi këkan.+ 50 Imanömi wawqiki Aaronpis Hor niyanqan jirkachö+ wanurqan, y unë kastëkikunanö pampashqa karqan, tsënöllam qampis Nëbu niyanqan jirkachö wanunki, y unë kastëkikunanö pampashqa kanki. 51 Qamkunaqa yaku yarqamunqan Meribä sitiuchömi+ rikënïpaq jutsata* rurayarqëki, manam israelïta mayikikunata puëdeq kanqäta rikätsiyarqëkitsu.+ Meribä sitiuqa, Zin niyanqan tsunyaq jirkachö y Cades sitiupa amänunchömi këkan. 52 Israelïta mayikikunata entreganäpaq kaq markakunataqa karullapitam rikanki, peru manam tsë markakunamanqa yëkunkitsu”.+