2 Samuel
22 Davidqa, llapan chikeqninkunapita+ y Saulpita+ Jehovä Dios salvanqan junaqmi Teyta Jehoväpaq cantarqan,+ 2 kënö nir:
“Jehovä Diosmi tsapämaq qaqa cuenta, següru marka cuenta+ y salvamaqnï.+
3 Teyta Diosmi tsapämaq qaqa cuenta,+ escüdu cuenta,+ pëmanmi cörripa ëwä tsapämänampaq.
Alläpa puëdeq Diosmi, tsëmi imëpis salvaman.* Pëqa tsapämaq alli següru sitiunömi,+
tsëmi mana mantsakushpa pëman cörripa ëwä.+ Salvamaqnï+ karmi, chikimaq nunakunapita salvaman.
4 Teyta Jehovä, qamllatam alabashqëki, qammanmi imëpis mañakamü,
llapan chikimaqnïkunapitam salvamanki.
5 Lamar yakunöraqmi* wanuypis o wañuypis llapan lädüpa tsaparkamarqan;+
mana väleq nunakuna mëtsika chärayämuptinmi, apakoq yakutanöraq mantsarqä.+
6 Sepultürapis* waskawan watarkur qarachämaqnömi karqan,+
wanuypis o wañuypis ushakätsikoq trampatam churamurqan.+
7 Alläpa yarpachakurmi Jehovä Diosman qayakurqä,+
kutin kutinmi Diosnïman rogakurqä.
Tsëmi templumpita wiyëkamarqan,
yanapamänampaq waqar rogakunqätam wiyëkamarqan.+
8 Teyta Dios cöleraptinmi,
Patsapis wakman këman kuyurqan,+
ciëlupa cimientumpis mana parëpam karkaryar kuyurqan.+
9 Kikin Diosmi shanshëkaq o shankëkaq carbonta aqtumurqan,
shimimpitam ushakätsikoq nina yarqamurqan,+
y senqampitanam qoyëpis o qoshnipis yarqamurqan.
10 Teyta Dios urämuptinmi ciëlupis patsaman doblakämurqan,+
11 Juk querubinnin montashqam volëpa shamurqan.+
Juk angelpa älanchönömi yurirkamurqan.+
13 Entërumpa tillapyaptinmi shanshëkaq o shankëkaq carbonpis tamyanöraq shikwamurqan.
14 Llapanta Gobernaq Poderösu Jehovä Diosmi ciëluchö räyukunata bunrurütsimurqan,+
y fuertipa parlamunqantam nunakuna wiyayarqan.+
15 Flëchamuptinmi,+ chikeqninkunaqa mëtsëpa ëwakuyarqan;
y räyuta bunrurütsimuptinmi nunakunaqa alläpa mantsakäyarqan.+
16 Teyta Jehovä cöleraptinmi lamar rurimpis rikakäramurqan,+
y senqanwan pükamuptinmi
patsapa cimientumpis rikakäramurqan.+
17 Pëmi altupita makinta makyamarqan,
y mëtsika yaku rurimpitam sutarkamarqan.+
18 Noqapita mas puëdeq chikimaqpitam salvamarqan,+
mas puëdeq kayaptimpis llapan chikimaqkunapitam salvamarqan.
19 Pëkunaqa desgraciapa pasanqä junaqmi+ atacayämarqan,
peru Jehovä Diosmi yanapamarqan.
22 Jehovä Dios mandamanqanta cäsukurmi kawarqö,
y manam pëta imëpis dejarqötsu, dejaptïqa jutsachi* kanman karqan.
27 Allita ruraq nunakunapaqqa imëpis allitam ruranki,+
29 Teyta Jehovä, aktsï* cuentam noqapaq kanki,+
ampichönö o tsakaqchönö* këkaptïmi, Teyta Jehovä qamqa aktsipämanki.+
30 Teyta Dios, yanapamaptikim asaltanti soldädukunawan pelyëta puëdï;
kallpëkiwan yanapamaptikim markakunapa murällan janampapis pasëta puëdï.+
Pëman confiakoqkunataqa escüdu cuentam tsapan.+
32 Teyta Jehovänöqa manam juk diosqa kantsu,+ pënöqa manam ni pï kantsu.
Diosnintsikqa tsapäkoq qaqa cuentam.+
34 Pë yanapamaptinmi luychunöraq cörrita puëdï;
feyu jirkakunapa purirpis manam ishkïtsu.+
35 Guërrachö alli pelyanäpaqmi yachatsiman;
cobripita flëchakuna arcutapis doblëta puëdïmi.
38 Chikimaqnïkunatam qati qatïkur ushakätsishaq;
llapankunata wanuskatsir-ran kutimushaq.
42 Yanapayänanta munar qayakuyaptimpis, manam pillapis yanapashqatsu;
Teyta Jehoväman qayakuyaptimpis manam cäsushqatsu.+
43 Allpata polvuyanqanyaq aqaqnömi pëkunata ushakätsishaq;
polvuyäyanqanyaqmi llapantam ushakätsishaq y cällichö leqitatanömi jarur ushashaq.
44 Marka mayïkuna rimayämaptimpis qammi defendimanki.+
45 Forastërukunam makinkunatapis choqpakur* noqaman rogakur shayämunqa;+
pï kanqäta willayaptinqa, upällam cäsuyämanqa.
46 Juk nacion nunakunaqa manam valienti tukuyanqanatsu;
alli murallashqa markankunapitam mantsëkämarpis noqaman shayämunqa.
47 ¡Teyta Jehovällam kawaq Diosqa! ¡Qaqa cuenta tsapämaq Dios Yaya alabashqa këkullätsun!+
¡Alabashqa këkullätsun qaqa cuenta salvamaq Teyta Dioslla!+
48 Teyta Diosmi conträ sharkoqkunata castigan;+
llapan nacion nunakunatapis mandädümanmi churamun;+
49 llapan chikimaqkunapitam salvaman.
Qammi Teyta Dios, conträkuna shayämuptimpis mas puëdeqta tikratsimanki;+
qammi maqakoq nunakunapita salvamanki.+
50 Tsëmi Teyta Jehovä,+ imëpis agradecikushqëki llapan nacion nunakuna musyayänampaq,