Apocalipsis
7 Tsëpitanam chusku angelkunata patsapa chuskun esquïnanchö shëkaqta* rikarqä. Pëkunaqa patsaman, lamarman y montikunaman ni ima vientu mana pükanampaqmi, patsapa chuskun lädupita shamoq vientukunata tsaparëkäyarqan. 2 Tsënöllam juk angelta rikarqä, kawëkaq Diospa sëllunta tsarashqa inti o rupay yarqamunan lädupita witsëkämoqta, y patsata y lamarta ushakätsiyänampaq carguta chaskeq chuskun angelkunatam fuertipa qayarqan. 3 Y kënömi nirqan: “¡Diosnintsikpa sirweqninkunata urkunkunachö sellar ushayanqäyaq,+ ama patsata, lamarta ni montikunata imanayëtsu!”.+
4 Y ëkaq sellashqa kayanqantam wiyarqä: cientu cuarenta y cuatru mil+ sellashqakuna, pëkunaqa Israelpa llapan kastankunapitam kayan.+
5 Judäpa kastampita, döci mil sellashqakuna;
Rubenpa kastampita, döci mil;
Gadpa kastampita, döci mil;
6 Aserpa kastampita, döci mil;
Neftalïpa kastampita, döci mil;
Manasespa+ kastampita, döci mil;
7 Simeonpa kastampita, döci mil;
Levïpa kastampita, döci mil;
Isacarpa kastampita, döci mil;
8 Zabulonpa kastampita, döci mil;
Josëpa kastampita, döci mil;
Benjaminpa kastampita, döci mil sellashqakuna.
9 Tsëpitanam, pï nunapis yupëta mana puëdinqan mëtsika nunakunata rikarqä. Llapan nacionpita, kastapita, markapita y idiömapitam kayarqan,+ y gobernar täkunapa y Orqu* Üshapa puntanchömi shëkäyarqan.* Pëkunaqa largu yuraq röpayoqmi këkäyarqan,+ y palmërapa rämankunatam makinkunachö katsiyarqan.+ 10 Agradecikurmi fuertipa kënö nikäyarqan: “¡Gobernar täkunachö jamarëkaq Teyta Diosnintsik+ y Orqu* Üsham salvamarquntsik!”.+
11 Llapan angelkunam gobernar täkunapa, y gobernaqkunapa y chuskun querubinkunapa entëru lädunchö këkäyarqan,+ y gobernar täkunapa puntanchö urkunkunapis patsaman chanqanyaq qonqurikuykurmi, Teyta Diosta adorayarqan. 12 Kënömi niyaq: “¡Tsënö kallätsun!* Teyta Diosnintsik imëyaqpis alabashqa, punta puntaman churashqa, yachaq, agradecishqa, respetashqa, poderyoq y kallpayoq këkutsun.+ Tsënö kallätsun”.
13 Tsënam juk kaq gobernaqqa kënö tapumarqan: “¿Pikunatan kayan largu yuraq röpayoq këkaqkunaqa?+ ¿Y mëpitataq shayämushqa?”. 14 Tsënam jinan höra kënö nirqä: “Teytallë qammi tsëtaqa musyanki”. Pënam kënö nimarqan: “Pëkunaqa alläpa sufrimientupita* yarqamoqkunam kayan,+ y Orqu* Üshapa yawarninchömi largu röpankunata taqshayashqa y yuraqyätsiyashqa.+ 15 Tsëmi Teyta Diospa gobernar täkunampa puntanchö këkäyan, y paqasta junaqtam templunchö sirwikäyan. Gobernar täkunachö jamarëkaqmi+ pëkunataqa imëkapita salvanqa.*+ 16 Manam mallaqäyanqanatsu ni yakunäyanqanatsu, y manam intipis o rupaypis ni ima achachëpis pëkunata rupanqanatsu.+ 17 Gobernar täkunapa chowpinchö* këkaq Orqu* Üsham+ mitseq nunanö pëkunata cuidanqa,+ y kawatsikoq yakuyoq pukyukunamanmi* pushanqa.+ Y Teyta Diosmi nawinkunapita llapan weqita limpianqa”.+