Isaïas
Awmi, respetashqa röpanwan
y alläpa poderösu kanqanta rikätsikurmi shamuykan.
“Noqam kä imëpis allillata parlaq,
y qamkunata salvanäpaq* poderyoq”.
2 ¿Imanirtan ropëkiqa vïnuta ruraq nunapa röpannö pukallana këkan?+
3 “Vïnuta jaruyänanchömi japallä vïnuta jarurqö,
y manam ni pï nuna noqawan kashqatsu.
Chikimaqkunawan alläpa cölerarmi pëkunata jarurqö,+
awmi, pëkunawan alläpa cölerarmi pëkunata mana dejëpa jarurqä,
y yawarninkuna pillchimushqa* kaptinmi
röpäqa tsë color këkan.
4 Conträ këkaqkunata imë castiganäpaq,
y sirwimaqnïkunata yapë rantinäpaq kaq tiemputaqa decidirqönam.+
5 Rikachakurqämi, peru manam ni pillapis yanapamänampaq karqantsu,
y rurëkanqächö mana ni pï yanapamaptinmi alläpa llakikurqä.
Rikrämi salvacionta apamurqan,+
y alläpa cölerashqa kanqämi tsëta ruranäpaq yanapamarqan.
6 Cölerarmi mëtsë nacionpita nunakunata jarur usharqä,
y alläpa cölerarmi pëkunata machashqatanö katsirqä.+
Y yawarninkunatapis patsamanmi jicharqä”.
7 Teyta Jehovä noqantsikpaq imëkata ruramunqampita,
awmi, Israel nunakunapaq imëka allikunata ruramunqampitam,
Teyta Jehovä alläpa kuyakoq kanqanta parlashaq,
y Teyta Jehoväta alabashaq.+
Awmi, tsëtaqa rurashaq llakipäkoq* y alläpa kuyakoq kaptinmi.
8 Teyta Diosmi nin: “Pëkunaqa mana dejëpa sirwimaq tsurïkunam kayan”.+
Tsënöpam pëqa Salvashoqnikikuna tikrarqan.+
Kuyayäshurniki y llakipäyäshurnikim* yapë rantiyäshurqëki.+
Tsënöllam sharkatsiyäshurqëki, y unë witsampitam imëka mana allipita cuidayäshurqëki.+
Tsëmi pëqa pëkunapa contran tikrar+ pëkunawan pelyarqan.+
11 Y pëkunaqa Teyta Diospa sirweqnin Moises
kawanqan witsanta yarparmi, kënö tapukuyarqan:
“¿Mëchötan këkan* unë kastantsikkunata pushaqninkunawan+ lamarpita yarqatsimoq?+
¿Mëchötan këkan santu espïritunwan Moisesta yanapaq?+
12 ¿Mëchötan këkan alläpa puëdeq rikranwan
Moisespa derëcha makinta yanapaq,+ y llapankunapa puntanchö lamarta ishkëman rakeq,+
tsënöpa jutin imëyaqpis reqishqa kanampaq?+
13 ¿Mëchötan këkan pampapa cörrikaq cawallutanö
mëtsika yakupa mana ishkir puriyänampaq puritseq?
14 Imanömi wäkakunapis jamayänampaq pampakunaman uräyan,
tsënömi Teyta Jehoväqa espïritunwan juk sitiuman jamayänëkipaq pushayäshurqëki”.+
Sirwishoqnikikunata tsënö pushaptikim
jutikiqa mëtsëchö alabashqa karqan.+
15 Alläpa shumaq y këkanqëki sagrädu ciëlupita patsaman rikämuy.
Tsë llapanta rikänätam michämarqunki.
16 Qammi Teytäkuna kanki.+
Abrahan mana reqiyämaptimpis,
y Israel mana yarpäyämaptimpis,
qammi Jehovä Dios Teytäkuna kanki.
Qampa jutikiqa unë tiempupita Yapë Rantiyämaqmi.+
17 Teyta Jehovä, ¿imanirtan mana alli kawakuyänäta permitinki?
¿Imanirtan chukru shonqu tikrayänäta y qamta mana respetayänäta permitinki?+
Sirwishoqnikikunata y herenciëki cuenta
llapan kastankunata kuyar yapë yanapëkayämë.+
18 Wallka tiempullapam sagrädu sitiuykipa duëñu kayarqö.
Peru chikishoqnikikunam tsë sagrädu sitiuykita jarur ushayashqa.+
19 Jutikita mana apaq nunakunanö
y mana gobernanqëki nunakunanömi mëtsika tiempupana kawayarqö.