Isaïas
30 Teyta Jehovämi kënö nin: “¡Allaw mana cäsukoq tsurikuna!+
Qamkunaqa ninqäkunata rurayänëkipa rantinmi
munayanqëkita rurayanki,+ y noqapaq mana alli këkaptinmi
juk nacionkunawan acuerduta rurayanki.
Tsënömi, jutsata* rurëkarpis mas jutsataraq rurayanki.
2 Manaraq tapumarmi+ Egiptuman ëwayanki.+
Egiptuchö gobernaqtam yanapëkuyäshunëkipaq rogakuyanki,
y Egiptu nunakunamanmi confiakuyanki.
3 Tsënö kaptimpis, Egiptuchö gobernaqta yanapëkuyäshunëkipaq niyanqëkipitam penqakuyanki,
y Egiptu nunakunaman confiakuyanqëkipitam penqakuychö ushayanki.+
4 Dirigeqkunaqa Zoan markachömi këkäyan,+
y willakoqkunaqa Hanes sitiuyaqnam chäyashqa.
5 Pëkunataqa mana väleq nunakunam penqakatsiyanqa.
Tsë nunakunaqa manam ni imachöpis yanapayanqatsu,
penqakuyman y mana allillamanmi chätsiyanqa”.+
6 Nëguebchö päraq animalkunapaqmi këchö parlëkan:
Fuertipa qapareq* leonkuna, vïborakuna
y ras o sas pureq venënuyoq culebrakuna
pärayanqan mantsëpaq tsunyaq sitiukunapam
ashnunkunaman y camëllunkunaman väleq cösasninkunata
y mikuyänampaq mikuyninkunata cargarkur ëwëkäyan.
Peru tsë llapanqa manam pëkunata ni imachöpis yanapanqatsu.
7 Egiptu nunakunaman confiakuyanqëkiqa manam imachöpis yanapayäshunkitsu.+
Tsëmi pëkunataqa “mana kuyukoq Rahab”+ nir jutin churarqö.
8 “Kananqa llapankuna rikëkäyaptin
tsë ninqäkunata taksha tablaman y libruman qellqë,+
tsënöpa shamoq tiempuchöpis tsë ninqäkunata musyayänampaq.+
9 Pëkunaqa mana cäsukoq nunakuna+ y engañakoq tsurikunam kayan,+
y manam noqa Jehovä mandakunqäkunata* wiyakuyta munayantsu.+
10 Pëkunaqa revelacionta chaskeqkunatam, ‘ama revelacionkunata chaskiyënatsu’ niyan.
Y Diospa willakoqninkunatam kënö niyan: ‘Ama rasumpa kaq willakuykunata willayämëtsu,+
tsëpa rantinqa shumaq alabapäyämë y mana rasumpa pasakunampaq kaqkunata willayämë.+
11 Alli nänipita witikuyë y tsë nänita dejayë,
y ama Israelpa Limpiu Diosnimpita parlapäyämënatsu’”.+
12 Tsëmi Israelpa Limpiu Diosnin këta nin:
13 Tsëmi qamkunaqa uchkuyoq murällanö
y ishkinampaqna këkaq altu perqanö kayanki.
Tsë perqaqa illaqpitam juk rätullachö ushakanqa.
14 Awmi, mitupita imëkata ruraq nunapa jatun järrannömi ushakanqa.
15 Israelpa Limpiu Diosnin Llapanta Gobernaq Teyta Jehovämi këta nin:
“Noqaman kutimur tranquïlu shuyararqa salvashqam kayanki.
Tranquïlu kar y noqaman confiakamurmi kallpayoq kayanki”.+
Peru qamkunaqa manam tsëta rurëta munayarqëkitsu.+
16 Tsëpa rantinqa, qamkunaqa kënömi niyanki: “¡Manam tsëta rurayäshaqtsu!
¡Cawallükunawanmi qeshpir ëwakuyäshaq!
¡Alli cörreq cawallukunata montarkurmi ëwakuyäshaq!”.+ Niyanqëkinömi qeshpir ëwakuyanki.
Peru qamkunapita mas alli cörreqkunam qepëkikunata shayämunqa.+
17 Juk nunallam qamkunapita
mil nunakunata mantsakätsinqa,+
y pitsqaqta rikëkurllam qeshpir ëwakuyanki.
Qamkunapita quedaqkunaqa jirka jananchö jukllëlla postinö
y taksha jirkachö señalnöllam kayanqa.+
18 Peru Teyta Jehoväqa qamkunawan alli kanampaq
y qamkunata llakipäyäshunëkipaqmi*+ pacienciawan shuyarëkan.*+
Jehovä Diosqa imëpis alli kaqtam ruran.+
Llapan shonqunkunawan pëta shuyaqkunaqa* kushishqam kayanqa.+
19 Sionchö kawarqa, awmi, Jerusalenchö+ kawarqa manam mas waqayankinatsu.+ Yanapëkuyäshunëkipaq qayakuyaptikiqa llakipäyäshunkim,* y wiyayäshunqëki höram contestayäshunki.+ 20 Imëka tantatanö qamkunaman llakikuyta apamur y imëka yakutanö qamkunaman sufrimientuta apamurpis,+ Alläpa Alli Yachatsiyäshoqniki+ Teyta Jehoväqa, manam qamkunapita karuchönatsu kanqa. Y qamkunaqa nawikikunawanmi Alläpa Alli Yachatsiyäshoqnikikunata rikäyanki. 21 Y derëcha lädupa o izquierda+ lädupa ëwarpis, qepëkikunapita kënö niyäshunqëkitam wiyayanki: “Këmi näniqa,+ këpa ëwayë”.
22 Öruwan y plätawan laqashqa santuykikunatam ushakätsiyanki+ y “këqa melanëpaqmi” nirmi yawarllana tëlatanö jitariyanki.+ 23 Pëqa murukuynikikuna jeqamunampaqmi tamyatsimunqa, y chakrëkikunachöpis+ mëtsika alli mikuymi wayunqa.+ Tsë witsanqa, jatun pampakunachömi animalnikikunapis libri mikuyanqa.+ 24 Lampawan y jorkitawan jitayanqan alli qewakunatam, chakrachö trabajaq törukuna y ashnukunapis mikuyanqa. 25 Tsë witsanqa, mëtsika nunakunatam wanutsiyanqa y törrikunatam ushakätsiyanqa. Jatusaq jirkakunachö y taksha jirkakunachöpis atska yakum kanqa.+ 26 Tsë witsanmi Teyta Jehoväqa sirweqninkunapa herïdanta* vendanqa,+ y pëkunata feyupa maqar herïdayätsinqantapis alliyätsinqam.+ Tsë witsanqa, killapis intinömi o rupaynömi aktsinqa, y intipis o rupaypis qanchis kuti masmi aktsinqa.+ Imëka qanchis junaqchö aktsinampaq kaqta juk junaqllachö aktseqnö.
27 ¡Rikäyë! Teyta Jehoväqa cölerashqam karupita shamuykan,
y entërumpam yana pukutëllana këkan.
Cölerashqam parlëkan y qallunqa imëkata ushakätseq ninanömi.+
28 Pë pükanqanqa nunapa kunkanyaq chaq yakunömi.
Pëqa imatapis zarandaqnömi juk nacion nunakunata wakman këman kuyutsinqa, ni jukllëllapis mana quedanqanyaq.
Y nunakunapa chakallwanman* fiërruyoq bosalta+ churarkurmi mana alli nänipa apanqa.
29 Tsënö kaptimpis qamkuna cantayanqëkiqa,
fiestaman ëwayänëkipaq alistakur+ paqaspa cantayanqëki cancionnömi kanqa.
Israelpa qaqa cuenta Diosnin Jehovä akranqan jirkaman ëwar,+
flautata tocayaptin kushikuyanqëkinömi shonquykikunapis alläpa kushikunqa.
30 Teyta Jehovä permitiptinmi nunakunaqa puëdeq vozninta wiyayanqa,+
31 Teyta Jehoväpa vozninta wiyarmi
Asiriapita nunakunaqa alläpa mantsakäyanqa,+ y pëqa tukrunwanmi maqanqa.+
32 Teyta Jehovä Asiriapita nunakunata tukrunwan castigaptinqa,
panderëtata y arpatam tocayanqa.+
Tsë sitiuqa jatunmi y tsëmanmi mëtsika yantata y ninata churashqa.
Teyta Jehovä pükanqanqa, mëtsika ninanömi
tsë yantaman mas tsarirkunqa.