1 Timoteu
2 Tsëmi puntataqa qamkunata niyaq,* Teyta Diosta rogakuyänëkipaq, mañakuyänëkipaq, jukkunapa favornin mañakuyänëkipaq y tukuyläya nunakunapita agradecikuyänëkipaq, 2 gobernaqkunapita y mas alli carguyoq kaqkunapita,*+ tsënöpa llapan shonquntsikwan Diosta sirwir y imatapis gänas gänaslla rurar, yamë y tranquïlu kawakur sïguinapaq.+ 3 Tsëqa allim Salvamaqnintsik Diospa rikëninchö y alläpam kushitsin.+ 4 Pëqa, llapan nunakuna salvakuyänanta+ y rasumpa kaqta cläru yachakuyänantam munan. 5 Juk Teyta Diosllam kan,+ y acuerdu rurëchö yanapakoqpis* jukllaqllam,+ juk nunalla, Cristu Jesuslla.+ 6 Pëmi jutsapita* libri kanantsikpaq pagakur llapantsikpaq* wanurqan o wañurqan.+ Tsëpaqmi dispunishqa tiempuchö willakuyanqa. 7 Tsëta willakunäpaqmi+ willakoq y apostol+ kanäpaq carguta chaskirqä, tsënöpa noqa yachatsiptï juk nacion nunakuna markäkoq o yärakoq kayänampaq y rasumpa kaqpita yachakuyänampaq.+ Rasumpa kaqtam nï, manam ulikütsu o llullakütsu.
8 Tsëmi Teyta Diosta mana dejayanqampita makinkunata pallarir,*+ mana cölerar+ y mana pleytur,+ më tsëchöpis ollqukuna Teyta Diosta mañakur kayänanta munä. 9 Tsënölla warmikunapis shumaq* vistikuyätsun, y wakinkunata respetar y alli juiciuwan* altsapäkuyätsun, ama aqtsankunata piltakur ni öruwan, perlaskunawan o alläpa cuestaq röpakunawanqa,+ 10 sinöqa alli rurëkunawan, llapan shonqunkunawan Teyta Diosta sirwiyanqanta neq warmikunapaq alli kanqanmannö.+
11 Warmiqa tranquïla* y shumaq respetakur yachakutsun.+ 12 Manam permitïtsu warmi yachatsikunanta ni ollquta dominananta, tsëpa rantinqa upällam kanan.*+ 13 Teyta Diosqa Adantam puntata rurarqan, tsëpitanam Ëvata rurarqan.+ 14 Manam tsëllatsu, manam Adantsu engañashqa karqan, sinöqa warmim engañashqaqa karqan+ y jutsa* ruraq* tikrarqan. 15 Tsënö kaptimpis, warmiqa wamrayoq karmi següru kanqa,+ peru tsëpaqqa markäkoq o yärakoq kar, kuyakoq kar, limpiu shonquyoq kar y alli juiciuyoq* karmi sïguinan.*+