Salmus

 2 Qammanmi confiakamü Teyta Dios,+

ama permitillëtsu penqakushqa quedanäta+

ni chikimaqnïkuna asipäyämänanta.+

 4 Teyta Jehovä, munanqëkinö kawanäpaq yachëkatsimë,*+

ima alli kanqanta musyanäpaq entiendïkatsimë.+

 5 Teyta Dios, qammi imëpis salvamanki,

mandamientuykikunata yachëkatsimë+

y cumplinäpaq yanapëkamë.

 6 Teytallä Jehovä, llakipäkoq* kanqëkita y alläpa kuyakoq kanqëkita yarpëkullë,+

qamqa tsënömi imëpis* karqunki.+

Teyta Jehovä, qamqa alläpa kuyakoq+ y alläpa allim kanki,+

ama qonqëkallämëtsu.

 9 Humildi nunakunatam yanapan allikunata rurayänampaq,+

y munanqannö kawakuyänampaqmi yachatsinqa.+

10 Teyta Jehovä mandakunqanta nunakuna cäsukuyaptin+

y conträtu ruranqanta respetayaptinqa,+

Teyta Diosqa alläpa kuyakoq karmi

pëkunapaq imëkata ruran y manam imëpis dejantsu.

11 Teyta Jehovä, jutiki alabashqa kanampaq,+

mëtsika jutsata* rurashqa kaptïpis perdonëkallämë.

12 Teyta Jehoväta respetaq* nunataqa,+

alli kawakunampaqmi kikin yachatsinqa.+

13 Imëka allikunatam tarinqa,+

y pëpa kastankunapaqmi kë patsa herenciankuna kanqa.+

14 Teyta Jehoväta respetaqkunallam* pëwanqa alli amïgu kayanqa,+

y pëmi ruranqan acuerduta musyatsinqa.+

15 Noqaqa Teyta Jehovällatam imëpis rikarëkä,+

pëmi trampaman mana ishkinäpaq yanapaman.+

16 Teyta Dios rikëkallämë,

manam pillapis yanaparkamantsu

qam yanaparkallämë.

17 Imëkapitam shonqüchö llakikü,+

mana llakikunäpaq yanapëkamë.

18 Alläpa sufrinqäta y desgraciapa pasanqäta rikëkamë,+

y llapan jutsäkunapita* perdonëkamë.+

19 Teyta Dios, chikimaqnïkunaqa mëtsikaqmi kayan,

pëkunaqa alläpam chikiyäman y sufritsiyäman.

20 Mana wanutsiyämänampaq salvëkallämë,+

qammanmi confiakamü,

penqakatsiyämänanta dejëkullëtsu.

21 Teyta Dios, mananam jutsata* ruränatsu,

kananqa allillatanam rurä,

cuidëkamë,+ qammanmi confiakamü.+