Cläru parlapë

¿Imatataq Jesus rurarqan?

VIDEU: Rïcu gobernador jövinta Jesus consejan

1. VIDEUTA rikë o Marcus 10:17 a 22 ninqanta leyi. Tsëpitana këkunaman pensë:

1. ¿Tsë jövin gobernador imakunachö alli këkanqantataq Jesus rikarqan?

2. Tsë jövinta consejarqa, ¿imanirtan Jesusqa kuyakoq karpis cläru parlaparqan?

¿Imatataq yachakuntsik Jesus ruranqampita?

2. Yachëkätsinqantsik nunawan o warmiwan kuyakoq karpis, Jehoväwan amïgu kanampaq imata ruranampaq kaqtam cläru ninantsik.

Jesus ruranqannö rurë

3. Logrëta munanqanman pensanampaq y tsëkunata logranampaq yanapë.

1. ¡Manana wanurmi kushishqa kawakushun! libruchö “Kë rurëta procurë” ninqanwan yanapë.

2. Ichik tiempullachö y tiempuwanraq logrëta munanqanta imanö logranampaq kaqta shumaq entienditsi.

3. Imachöpis alliyanqampita felicitë.

4. Jehoväwan amïgu kananta imakuna michëkanqanman pensë y tsëkunata vencinampaq yanapë.

1. Këkunaman pensë:

   • “¿Imanirtan yachëkätsinqä nunaqa o warmiqa bautizakunampaq cambiukunata ruranraqtsu?”.

   • “¿Imanöraq yanaparïman?”.

2. Jehoväwan amïgu kanampaq imata ruranampaq kaqta cläru y kuyëllapa ninëkipaq Jehoväman mañakuy.

5. Jehoväwan amïgu kanampaq mana kallpachakuptinqa ama yachatsir sïguinatsu.

1. Yachatsir sïguinëkipaq o mana sïguinëkipaq kaqta musyanëkipaqqa këkunaman pensë:

   • “¿Yachakunqannö ruranampaqku kallpachakun?”.

   • “¿Reunionkunaman ëwanku y yachakunqankunata jukkunata parlapanku?”.

   • “Atska tiempupana yachakuykarqa, ¿munanku Jehoväpa testïgun këta?”.

2. Jehoväwan amïgu kanampaq mana kallpachakuptinqa:

   • Ima michëkanqanman pensanampaq nï.

   • Shumaqlla entienditsi imanir manana yachatsinëkipaq kaqta.

   • Yapë yachakuyta munarqa imakunachö cambianampaq kaqta cläru willë.