Chäramunqanam alli kawakï

“Ushanan hunaqkunachöqa alläpa sasa [aja] y mantsakëpaq tiempokunam kanqa.” (2 TIMOTEU 3:1, NM.)

¿IMËLLAPIS wiyarqunkiku o rikarqunkiku kë desgraciakunata?

● Huk wanutsikoq qeshyam atska chunka nunakunata wanïkatsin.

● Mallaqëmi atska pachak nunakunata wanïkatsin.

● Atska waranqa nunakunam wanuyan y atskaqmi wayinnaq quedariyan mantsakëpaq patsa kuyïkuptin.

Kë pasëpa mantsakëpaq pasakunqankunatam qateqnin willakïkunachö rikärishun. Kikikim musyarinki Biblia willakunqannö kë desgraciakuna ‘ushanan hunaqkunachö’ këkanqantsikta rikätsikunampaq kaqta.a

Kë yachatsikïkunaqa manam sasa o aja kawakïkunachö këkanqantsiktatsu creitsimënintsikta munan, tsënö kanqanqa musyënam, sinöqa alli kawakïkuna chäramunampaq kaqtam rikätsimantsik. Bibliachö hoqta profecïakuna cumplikanqanqa rikätsishunki ‘ushanan hunaqkuna’ ichikllachöna ushakärinampaq kaqtam. Hina rikäshunmi tsëkuna pasakoqta rikar wakinkuna ima niyanqanta, y shamoq tiempo más alli kanampaq kaqta imanir creinqantsiktapis.

[Päginapa ura kuchunchö willakï]