YACHAKUNAPAQ

YACHAKUNAPAQ KAQKUNA

▪ Valorta tsari, Jehovämi qamwan këkan

Biblia parlanqan unë nunakunaqa Diosman markäkuyanqanta y valoryoq kayanqantam rikätsikuyarqan. Pasayanqankunapita yachakunqantsikmi yanapamäshun Diosman más markäkunapaq o yärakunapaq y imatapis mana mantsëpa Jehoväta sirwinapaq. Jinamampis, kë yachatsikïchömi 2013 watapaq akrashqa textopita yachakushun.

▪ Ama dejëtsu Jehoväpita imapis rakishunëkita

▪ Jehoväman witita ama dejëtsu

Atska cösaskunatam akrëta puëdintsiktsu, teytantsikkunata, wawqintsikkunata y panintsikkunata o mëchö yurinapaq kaqta. Pero Jehoväwan amigo kënintsikqa manam tsënötsu, porque lädonchö imëpis këta o mana këtaqa kikintsikmi decidita puëdintsik. Kë yachatsikïchö y qateqnin kaqchömi rikäshun qanchis rurëkuna Ciëlochö Teytantsikpita rakimänantsikta mana dejanapaq.

▪ Pantanqëkiman mana yarpachakushpa Diosta sirwi

Llapantsiktam imatapis juknöpa rurë gustamashwan karqan. Tsënö kaptimpis, manam permitinantsiktsu unë mana allita ruranqantsikkuna Diosta kushishqa sirwinata michämänata. Kë yachatsikïchömi yachakushun Pabluqa unë mana allita rurashqa këkarpis, tsëkunaman mana alläpa yarpachakïpa Jehoväta sirwita yachakunqampita.

▪ Anciänokunaqa kushishqa kanapaqmi yanapamantsik

Corinto cristiänokunaman ishkë kaq cartanta mandanqanchömi, Pabluqa entienditsikurqan pë y yanaqaqninkunaqa, cristiano mayinkuna ‘kushishqa kayänampaq yanapakoqkuna’ kayanqanta (2 Cor. 1:24, NM). ¿Këta ninqampita imatataq anciänokuna yachakuyanman? ¿Imatataq llapantsik rurëta puëdishwan congregacionchö kushikï miranampaq? Kë yachatsikïchömi tsëpita yachakushun.