“Ima ïdulukunatapis tsarararqa llapanta jitariyë”

Ïdulukunata o santukunata mana adorayänampaq Jehovä mana nishqa këkaptimpis, Jacobqa Jehovällatam adorarqan (Ex 20:3-5). Tsëmi Jacobqa Betel markaman kutinampaq Jehovä niptin, familianta y pëwan këkaqkunata nirqan katsiyanqan santukunata jitariyänampaq. Tsënam Jacobqa llapan katsiyanqan santukunata y suertipaq arëtinkunatapis pampëkurqan (Ge 35:1-4). Jacob tsënö ruranqanqa Jehoväpa rikënimpaq allim karqan.

Kanan witsanqa, ¿imanötaq Jehoväta adoranantsik? Manam santukunata adoranantsiktsu o wayintsikchö santukunata katsinantsiktsu, brüjukunaman ëwanantsiktsu, chaqchatsikunantsiktsu, suertita qatitsikunantsikku, ni shoqmatsikunantsiktsu. Y manam tsëllatsu, këman pensë: ¿Yawarta shoqoq nunakunata, wanushqakuna pureqta o poderyoq nunakunataku pelïculakunachö rikanki, o librukunachö leyinki? ¿Magia ruraqkunata, brujerïa ruraqkunata o pitapis mana allita ruraq brüjukunataku televisionchö rikanki? Tsëkunataqa Jehovä chikinmi, tsëmi tsëkunata rurashwantsu ni rikashwantsu (Sl 97:10).

“DIABLUPA CONTRAN CHURAKÄYË” NEQ VIDEUTA RIKË, Y KËTA CONTESTË:

• 

  Bibliapita yachakuykaq Pamëla jutiyoq warmiqa, ¿ima mana allipataq pasëkarqan?

• 

  Pamëlatanö pasamashqaqa, ¿imanirtan anciänukunata nishwan yanapamänapaq?

• 

  Imëkapitapis Jehovä cuidamänapaqqa, ¿imakunatataq katsinantsiktsu?

• ¿Imatataq Pamëlaqa rurarqan Diablupa contran churakänampaq?

• Täkunqëki markachöqa, ¿imanötaq Diablupa contran churakankiman?