8-14 DE ENËRU
JOB 34, 35
30 kaq cancionta cantarirmi mañakushun | Imakunata yachakunapaq kaq (1 min.)
1. ¿Alli nunakunallataku mana allikuna pasan?
(10 min.)
Yarpäshun, Jehoväqa imëpis alli kaqllatam ruran (Job 34:10; wp19.1 päg. 8 pärr. 2).
Mana allita ruraq nunakuna rurayanqanta nï pï mana rikaptimpis, Teyta Jehoväqa llapantam rikëkan (Job 34:21-26; w17.04 päg 11 pärr. 5).
Mana allikunapa pasëkaqkunataqa Jehoväpita yachatsirninmi masqa yanapashun (Job 35:9, 10; Mt 28:19, 20; w21.05 päg. 7 pärrk. 19, 20).
2. Imakunata yachakunqantsik
(10 min.)
Job 35:7. Elihümi Jobta kënö nirqan: “¿Qampitaqa imatataq [Dios] chaskin?”. Tsënö ninqanwanqa, ¿ima nitataq munëkarqan? (w17.04 päg. 28 pärr. 3).
Kë semäna Bibliata leyir, ¿yachakurqunkiku Jehovä imanö kanqanta, imanö yachatsikunëkipaq kaqta o imatapis masta?
3. Bibliata leyi
(4 min.) Job 35:1-16 (th 10 kaq yachatsikï).
4. Parlapar qallanëkipaq
(3 min.) WAYIN WAYIN YACHATSIKUR. Bibliapita yachatsinëkipaq niri (lmd 10 kaq yachakunapaq kaqchö 3 kaq).
5. Parlapar qallanëkipaq
(4 min.) MËCHÖ KËKARPIS YACHATSIKUR. Pishi wamrakunayoq teytata o mamata, jw.org Internet päginantsikchö shumaq consëjukuna kanqampaq parlapë y rikätsi (lmd 1 kaq yachakunapaq kaqchö 4 kaq).
6. Bibliapita yachatsinëkipaq
58 kaq canciontam cantashun
7. ‘Teyta Diospa palabrantaqa’, ¿mëchö këkarpis gänas gänasllaku yachatsikuykanki?
(15 min.) Wiyaqkunapis parlakarayämunqam.
Apostol Pablum Timoteuta kënö nirqan: “Teyta Diospa palabranta urgenti willakuy” (2Ti 4:2). Griëgu idiömachö “urgenti willakuy” neq palabrakunataqa höraqa, pelyayänampaq guërrachö soldädukuna imëpis listu këkäyanqanta rikätsikuyänampaqmi utilizäyaq. Këmi cläru entienditsikun mëchö këkarpis Teyta Diospita yachatsikunapaq imëpis listu këkänapaq.
Jehoväta kuyarnin y noqantsikpaq imëkata ruramunqampita agradecikurmi pïmëta Diosnintsik imanö kanqanta willantsik.
Leyi Salmus 71:8, y këta tapuy:
¿Jehovä imanö kanqantataq jukkunata willë gustashunki?
Nunakunata kuyanqantsikmi yanapamantsik mëtsëchö këkarpis Diospita yachatsinapaq.
¿Imanötaq mëtsikaq nunakuna Diospita yachakuyarqan? neq VIDEUTA rikärir, këkunata tapuy:
Mëchö këkarpis Diospita yachatsikuyanqanqa, ¿imanötan mëtsikaq nunakunata yanapashqa rasumpa kaqta yachakuyänampaq?
Bibliapita rasumpa kaqta yachakuyanqanqa, ¿imanötan juk religionchö kashqa nunakunata yanaparqan?
Mëchö këkarpis nunakunata Diospita yachatsita mana mantsanapaqqa, ¿imanirtan kuyakoq kanqantsik yanapamantsik?
Mëchö këkarpis yachatsikunqantsikqa, ¿imanirtan yanapakun?