15-21 DE ENËRU
JOB 36, 37
147 kaq cancionta cantarirmi mañakushun | Imakunata yachakunapaq kaq (1 min.)
1. Manana wanurnin kawanapaq Diosnintsik änimanqantsikmanqa, ¿imanirtan confiakushwan?
(10 min.)
Kikin Jehoväpis manam ni imë wanunqatsu o ushakanqatsu (Job 36:26; w22.12 pägk. 2, 3 pärrk. 3, 4).
Jehoväqa puëdinmi mana wanushpa kawatsimënintsikta y musyanmi imanö tsëta rurëta (Job 36:27, 28; w20.05 päg. 22 pärr. 6).
Jehoväqa manana wanurnin kawakunapaq imata ruranapaq kaqtam yachatsimantsik (Job 36:4, 22; Jn 17:3).
Manana wanur kawakunapaq Jehovä Dios änimanqantsikman markäkunqantsikmi o yärakunqantsikmi mana allikunapa pasanqantsik höra alli tsarakunapaq yanapamäshun (Heb 6:19; w22.10 päg. 28 pärr. 16).
2. Imakunata yachakunqantsik
(10 min.)
Job 37:20. Bibliachö willakunqan markakunachöqa, ¿imanötan karu markakunachö imapis pasakunqanta musyayaq? (it-1-S päg. 519).
Kë semäna Bibliata leyir, ¿yachakurqunkiku Jehovä imanö kanqanta, imanö yachatsikunëkipaq kaqta o imatapis masta?
3. Bibliata leyi
(4 min.) Job 36:1-21 (th 2 kaq yachatsikï).
4. Parlapar qallanëkipaq
(3 min.) CÄLLIKUNACHÖ CARRÏTUKUNAWAN YACHATSIKUR. (lmd 3 kaq yachakunapaq kaqchö 3 kaq).
5. Watukaq kutinëkipaq
(4 min.) WAYIN WAYIN YACHATSIKUR. (lmd 2 kaq yachakunapaq kaqchö 5 kaq).
6. Creinqëkikunata shumaq entienditsikuy
(5 min.) Juk wawqim këta yachatsikamunqa. Mëtsikaq judïukunata Alemaniachö wanutsiyanqanchöqa, ¿imatan Jehoväpa testïgunkunata pasarqan? (ijwfq 57 kaq pärrk. 5-8; th 18 kaq yachatsikï).
49 kaq canciontam cantashun
7. Ima tratamientutapis necesitänëki kaptin o operayäshunëki kaptin alli decidinëkipaq, ¿listuku këkanki?
(15 min.) Këtaqa juk anciänum yachatsikamunqa y wiyaqkunapis parlakarayämunqam.
Yawar asuntupaq Jehovä mandamanqantsikta cäsukunapaq yanapamänantsikrëkurmi dirigimaqnintsikkuna imëkata rurayämushqa (Hch 15:28, 29). ¿Alliku provechëkanki?
Yawarta mana churakunapaq documentu (DPA tarjëta) y Tarjeta de identidad (ic) niyanqan: Kë documentukunachöqa juk wawqi o pani yawarta mana churakunampaq decidinqankunam qellqarëkan. Bautizakushqa kaqkunaqa publicacionkunata rikaq wawqitam DPA ninqan documentuta mañakuyänan, y papä kaqkunanam Tarjeta de identidad ninqanta wamrankunapaq mañakuyänan. Kë documentukunata manaraq llenashqa karqa o representantiki jukna kaptinqa, jinan höram tsë documentuykita cambianëki.
Información para mujeres embarazadas (S-401) y Información para pacientes que necesitan una intervención quirúrgica o quimioterapia (S-407) ninqan documentukuna: Kë documentukunam yanapamäshun ima tratamientutapis necesitänantsik kaptin allita decidinapaq y yawar asuntupaq masllata musyanapaq. Operakunëki kaptin, cancer qeshyayoq karnin o llulluyki yurinan kaptinqa wananqëki documentuta anciänukunata mañakuy.
Comité de Enlace con los Hospitales niyanqanchö yanapakoqkuna: Tsëchö yanapakoq anciänukunaqa alli yachatsishqam kayan doctorkunawan parlayänampaq y wawqi panikunata yawar asuntuchö yanapayänampaq. Pëkunaqa doctorkunawanmi parlëta puëdiyan yawarta mana churarlla ima tratamientukunawan jampiyäshunëkipaq. Y yawarta mana utilizarlla atiendishuynikita munaq doctortapis ashirmi yanapayäshunki. Kë wawqikunaqa imë hörapis yanapayäshunëkipaq listum këkäyan. Hospitalchö internayäshunëki kaptin, operayäshunëki kaptin o cancer qeshyayoq karnin juk tratamientuta chaskikarqa, Comité de Enlace niyanqanchö yanapakoq wawqikunawanmi jinan höra parlanëki. Qeshyaq këkaq warmikunapis kë wawqikunatam mañakuyänan yanapayänampaq. Yanapayäshunëkita wanarqa anciänukunawan parlë Comité de Enlace niyanqanchö yanapakoq wawqikunapa nümerunta makyayäshunëkipaq.
¿Imatataq rurayan Comité de Enlace con los Hospitales niyanqanchö yanapakoqkuna? neq VIDEUTA rikärir, këta tapuy:
¿Imanötan Comité de Enlace niyanqanchö yanapakoq wawqikuna operakunqantsik höra yanapamashwan?