“Unë witsan rurayanqan jutsakunatam perdonarqan”

Yawarnimpa chaninwan Jesus jutsantsikpita pagakushqa kaptinllam perdonta chaskintsik (Efes. 1:7). Tsënö kaptimpis Bibliachöqa nin, Diosnintsikqa alläpa pacienciakoq karnin ‘unë witsan rurayanqan jutsakunata’ perdonanqantam (Rom. 3:25). Tsënö nirqa nikan, salvamänapaq Jesus manaraq wanuptin nunakunata perdonar qallanqantam. Peru ¿imanötan Jehoväqa jutsankunata perdonëta puëdirqan manaraq Jesus pagakuptinqa?

Jehoväpaqqa, markäkoq o yärakoq nunakunata salvanampaq juk kasta shamunampaq änikunqan hörapitam jutsapita pagakushqa cuentana karqan (Gën. 3:15; 22:18). Jehoväqa segürum karqan dispuninqan tiempu cumpliriptin, tsurin Jesus noqantsikrëkur vïdanwan salvamänapaq kaqta (Gäl. 4:4; Heb. 10:7-10).Y Patsachö këkarnam Jesuspis, jutsantsikpita salvamänapaq manaraq wanur, Jehoväpita carguta chaskishqa kar nunakunata jutsankunapita perdonarqan.Tsëmi Jesusqa pëkunarëkur wanunampaq kaqta puntallapitana välitsir, nunakunata perdonarqan (Mat. 9:2-6).