4 KAQ YACHATSIKÏ

Bibliata manaraq leyir imata ninapaq

Mateu 22:41-45

KËPAQMI PARLAN: Manaraq textukunata leyirnin rikätsikuri leyiyänan imanir precisanqanta.

Juk textuta manaraq leyirmi, imanir leyinëkipaq kaqta rikätsikunëki. Manaraq textukunata leyirmi, shumaq rikätsinëki yachatsikïkanqëkipaq tsë versïculuchö imata ninqanta.

Leyikanqëki versïculupa qepan kaq y puntan kaq versïculukunatam leyinëki, pï parlëkanqanta o pipaq escribiyanqanta alli musyanëkipaq.
Bibliachö ninqan alläpa precisaq kanqanta rikäratsi. Diosman creeqkunata parlapëkarqa, musyatsinëkim leyikanqëkiqa Diospa Palabran kanqanta y tsërëkur alläpa yanapakunqanta.
Textukunata leyita munayänampaqmi shumaq animarinëki. Juk tapukïta rurari y Bibliachö respuestan këkanqanta niri, jina imakunachö Biblia yanapakunqanta o tsëchö leyinqëkipita imata yachakuyanqëkita willakuri.

¿Musyayannaku tsë yachatsikïkanqëkipita? ¿Reqiyannaku tsë leyikanqëki textuta? Tsëtam alleq musyanëki. Tsë textukunata leyiyashqana kayaptimpis, mas alli entiendiratsi y ima maskunata yachatsikunqanta rikäratsi.