19 KAQ YACHATSIKÏ
Shonqunkunaman chëta procurë
Proverbius 3:1
KËPAQMI PARLAN: Yachakuyanqanta precisaqpaq churayänampaq y yachakuyanqanmannö rurayänampaq yanapë.
¿IMANÖTAQ RURASHWAN?
Imanö këkäyanqanta cuentata qokuyänampaq yanapë. Imanö këkäyanqanta y imanö sientikuyanqanta kikinkunachö rikäyänampaq tapukïkunata rurë.
Allita rurëkäyanqanta niri. Rurëkäyanqan imanir alli kanqanta rikäyänampaq yanapë. Shonqupita patsë Jehoväta, nuna mayinkunata y Palabranta kuyarnin imatapis rurëta munayänampaq yanapë. Y ama imatapis rurayänampaq o mana rurayänampaq kaqllataqa nitsu. Discursïkichö imatapis ninqëkirëkurqa manam penqakushqatsu sientikuyänan, sinöqa alli kaqkunatam rurëta munayänan.
Jehoväpaqmi masqa parlanëki. Biblia yachatsimanqantsik, consejamanqantsik y mandamanqantsik biennintsikpaq kanqanta y Diosnintsikta mas reqinapaq yanapakunqanta rikätsikï. Jehovä munanqannö kawayänampaq y pë imanö sientikunqanta imëpis cuentachö katsiyänampaq yanapë.