12 KAQ YACHATSIKÏ

Wakimpaq yarpachakunqëkita rikätsikï

1 Tesalonicensis 2:7, 8

KËPAQMI PARLAN: Shonqupita patsë y kuyakïpa parlë y pëkunapaq yarpachakunqëkita rikätsikï.

Imakunapa pasëkäyanqanman pensë. Preparakunqëki höra pensë imakunapa pasëkäyanqanman y imanö sientikuyanqanman.
Parlananllaqa parlëtsu. Alliraqmi pensanëki imata ninëkipaq kaqta tsënöpa mana ofendikuyänampaq. Animëta procurë y alli sientikuyänampaq yanapë. Jehoväta mana sirweqkunapaq y imaman creiyanqankunapaq mana allita parlëtsu.
Pëkunapaq yarpachakunqëkita rikätsikï. Tsëpaqqa kuyakïllapam parlakunëki, makikiwan y qaqllëkiwampis tsëtam rikätsikunëki. Imanö këkanqëkitam qallqëki rikätsikïkan. Tsëmi imëpis kushishqa këkänëki.

Bibliata leyirqa, tsëchö imata ninqantam alli entiendinëki, imata nikäyanqanmannö o ninqanmannö sentimientuwan leyinëkipaq, peru ama alläpa qayëkachëpanöqa ni fuertipaqa. Manatsëqa tsënö leyinqëkillatam masqa rikaräyanqa. Tsëmi shumaq y shonqupita leyinëki.