13 KAQ YACHATSIKÏ

Imanö yanapanampaq kaqta niri

Proverbius 3:21

KËPAQMI PARLAN: Yachatsikunqëki cada ünuta imanö yanapanampaq kaqta y imata rurayänampaq kaqta niri.

Pensë imanö yanapanampaq kaqta. Imanö këkäyanqanman alli pensëkur yachatsikunqëki imakunachö yanapanampaq kaqta ashi.
Yachatsikur ushanqëkiyaqmi rikätsikunëki imata rurayänan precisanqanta. “Këqa noqapaqnömi” nir pensayänampaqmi, qallanampita shumaq yachatsikunëki. Precisaq yachatsikïkunata ninqëki höram imakunachö yanapakunqanta rikätsikunëki.

Shumaqllapa y kuyakïllapam rikätsinëki Bibliapa consëjunkunata imanö cäsukuyänampaq kaqta. Imapitapis culpayoqnö mana sientikuyänampaqmi, shumaqllapa parlapänëki y Diosnintsikta mas kuyayänampaq y pëman mas markäkuyänampaqmi yanapanëki.