PARLAPAR QALLANËKIPAQ
1 KAQ YACHAKUNËKIPAQ
Parlapanqëki nunaman pensë
Bibliachö kënö ninqanman pensë: “Kuyakoqqa [...] manam kikin munanqanllatatsu ashin” (1 Cor. 13:4, 5).
¿Imatataq Jesus rurarqan?
1. VIDEUTA rikë o Juan 4:6 a 9 ninqanta leyi. Tsëpitana këkunaman pensë:
¿Imatataq Jesus cuentaman churarqan Samariapita warmiwan manaraq parlarnin?
“Upurkunäpaq yakü qarëkamë” nir Jesus parlapar qallanqanqa, ¿imanirtan alli karqan?
¿Imatataq yachakuntsik Jesus ruranqampita?
2. Musyëta munayanqampita parlapashqaqa masmi nunakuna wiyamënintsikta munayanqa.
Jesus ruranqannö rurë
3. Musyëta munayanqampita parlapë. Nunakunata parlapar qallarqa, qamta gustashunqëkipita parlapänëkipa rantinqa, pëkuna musyëta munayanqampita parlapë. Unë imanö yachatsikunqëkita cambië y këkunaman pensë:
“¿Imakunapaqtan noticiërukunachö parlayan?”.
“¿Imakunapaqtan masqa vecïnükuna, trabajaq mayïkuna y estudiaq mayïkuna parlayan?”.
4. Rikanqëkiman pensë. Këkunaman pensë:
“¿Imatataq tsë nuna o warmi rurëkan? ¿Imamanraq pensëkan?”.
“Imanö vistikunqan, imanö këkanqan y wayinqa, ¿imata creinqanta o mëpita kanqantataq rikätsikun?”.
“¿Allitsuraq kanan höra parlapärïman?”.
5. Nishunqëkita shumaq wiyë.
Ama alläpaqa parlëtsu.
Tsë nuna o warmi parlakamunanta dejë. Puëdikaptinqa shumaq tapupäri.