¿Estudiu biblicuta ofrecikunkiku?
1 Atska wawqikunam tariyashqa estudiu biblicuta punta visitallachona ofrecikurnin. Huk nunam, atska kuticho munarqantsu publicacionkuna chaskita, tseno kaptimpis estudiuta ofreciyaptenqa kushishqam chaskerqan. Kenomi nerqan: “Imëpis munarqami Biblia estudietaqa”. Estudiarmi qallarqan, y llapan familiampis rasllam yachakur qallekuyarqan.
2 Llapantsikmi rikänantsik allapa precisu kanqanta estudiukuna qallë. Nunakuna más yachakuyänampaq y Cristupa discipulun kayänampaqqa, yachatsinantsikmi (Mat. 28:19, 20). Yachakuyänampaqqa pï karpis pekunawan estudiananmi. Horaqa estudiu biblicuta qalleta puedintsik wayicho kaqta rikätsirnin, imanomi Bibliapita más yachakita puedinman, y Dios änimanqantsikpitapis. Huk wawqim pitsqa estudiu biblicuta qallarqan tratadu La vida en un pacífico nuevo mundo nishqanwan. Manam puedirqantsu llapan estudiu biblicuta yachatsita, tsemi wakintaqa huk publicadorkunata pasarqan pekuna yachatsiyänampaq.
3 Facil-lla estudiu biblicuta qallarnenqa, apashun wakin publicadorkunata yanapanapaq estudiu biblicuta tariyanampaq. O congregacioncho huk publicadorkunata pasashun estudiu qallanqantsikkunata. Yachatsikita munarqa, ¿imanirtaq ofrecinkitsu estudiu biblicuta wayin wayin willapäkonqekicho? Huk kutichomi yape visitayarqan huk shipashta mana allapa Bibliaman interesaqta. Tseno kaptimpis, huk estudiu biblicutam ofreciyarqan y pëqa munarqanmi. Kananqa bautizakushqanam, nanan y cuñadumpis ewëkayanmi reunionkunaman (Gál. 6:6).
4 Manam llapan estudiar qallanqantsik nunakunatsu estudiar siguiyanqa, ni llapantsu Jehová sirwïman chäyanqa. Tseno kaptimpis wakinkunaqa sirwiyanqam. Más atska estudiukunata qallashqam más alli kanqa, wakinllatapis yanapanapaq Jehovata sirwiyanampaq.