Alleq provechuta horqushun serviciupaq reunionkunapita
1. ¿Imanötaq yanapamantsik willapäkunapaq reunionkuna?
1 Willapäkunapaq reunionkunaqa allapa allim, shumaqmi yanapamantsik y yachatsimantsik manaraq willapäkoq yarqushqa. Atskaq willapäkoq yarqurmi, shumaq yachatsinakuntsik y yanapanakuntsik (Pro. 27:17; Ecl. 4:9, 10). ¿Imanöraq alleq yachakushwan kë reunionkunapita?
2. ¿Imakunapitataq parleta puedin dirigiq wawqi?
2 Serviciu dirigiqpaq: Kë reuniompaqqa manam kantsu huk programa. Tsemi qam dirigirqa alleq preparakuneki. Manam textu diariullapitatsu yachatsineki, willapäkunapaqno kaptenqa allim kanman. Alli temaman pensë tse hunaq willapäkoqkunata yanapanampaq. Huk demostración rurëta o yachatsita puedinkim. O huk temakunata yarpäratsi libru Razonamientopita, Benefíciesepita o Reunión de Serviciucho yachakonqantsikpitapis. Yapë kaq reunionchoqa itsa ninki imano huk problemakunata contestanapaq o imano nunakuna más interesayänampaq y estudiu biblicuta qallanapaq, ketaqa ruranki atskaq publicadorkuna tse hunaq revisitankunaman kutiyaptinmi. Ima temapita parlarnimpis kushi kushim kaneki y animanekim.
3. ¿Eka tiemputaq kë reunión kanan, y imakunataq tse tiempucho rurakanan?
3 Reunionta horancho qallë, pipis hunaqashqa chämunanta musyarnimpis. Alleq pensë willapäkuyanampaq grupukunata rurarnin, y entreguë necesitaqkunata territoriunkuna. Kë reunionqa manam diez o quince minutuspita masqa kanantsu, congregacioncho reunión ushariptinnaqa más ichikllapis kanmanmi. Manaraq kë reunión ushaptinmi, llapankuna musyayanan piwan yarquyänanta y meman ewayänantapis. Ushë huk oracionwan.
4. ¿Imataq yanapanqa llapankuna provechuta horquyänampaq kë willapäkunapaq reunionkunapita?
4 Qampis yanapakunkimanmi: Wakin reunionkunachönomi tempranu chänantsik, Jehovata y wakinkunatapis respetarnin. Comentë kë reunioncho. Dirigiq wawqim nishunki piwan yarqunekipaq o munarqa kikikipis puntallapitana akreta puedinkim piwan yarqunekipaqpis. Reqinakonqekillawan yarqita munaptikeqa, yarpätsiyaqmi wakin publicadorkunawampis yarqunekipaq, alli amiguikikunallawan yarqonqekinoqa (2 Cor. 6:11-13). Kë reunión ushariptin raslla ewaye territoriukunaman, ima cambiutapis mana rurashpa.
5. ¿Imapaqtaq kë reunionkunaqa?
5 Kë reunionkunacho yachakonqantsikqa, wakin reunionkunacho yachakonqantsiknollam: ‘huknin hukninwampis yanapanakur kuyanakunapaq y allikunata ruranapaq’ (Heb. 10:24, 25). Kekunapita provechuta horqunapaq kallpachakushqaqa, yanapamäshunmi willapäkunapaq. ¡Keqa huk ‘alli ruremi’!