Llapan hunaqkuna leinapaq follëtopitaqa mananam yachatsikayämunqanatsu yachatsikunapaq ëllukashqa
Puntataqa, wayin wayin yachatsikoq ëwanapaq ëllukanqantsikchömi, Llapan hunaqkuna Bibliapita yachakunapaq follëtopita höraqa yachatsikarayämoq. Pero kanampita witsëpaqa, follëtopita mananam yachatsikayämunqanatsu wayin wayin yachatsikoq yarqunapaq ëllukanqantsikchö. Imëpis ruranqantsiknöllam yachatsikïta dirigeq wawqikunaqa, Bibliapita, Diospita Yachatsikunapaqpita, Beneficiesepita, Razonamientopita o huk librokunapitapis imanö yachatsikunapaq yachatsikarayämunqa. Tsëmi yachatsikïta dirigeqkunaqa, wayin wayin yachatsikïman yarqoqkunata yachatsinampaq alli preparakuyänan. Hinamampis, puntakunatanöllam tsë reuniontaqa 10 o 15 mïnutoskunapita masqa rurayänantsu, y congregacionchö reunión ushariptin yachatsikoq yarquyänëki kaptinnäqa más wallka tiempollachömi rurakänan.