Alli valoryoq, peru mana pletushpa
1 Willapäkushqam, atskaq nunakuna nimantsik creyiyanqankunata Bibliapa contrancho kaqkunata. Razunmi, valorwanmi willapäkushwan, tseno kaptimpis ‘mana pletushpam llapanwan’ kanantsik y manam ardepaqa ofendinantsiktsu (Rom. 12:18; Hech. 4:29). ¿Imanötaq valorwan y mana pleturnin kashwan Reinupita willapäkoq ewarnin?
2 Igualanqantsikcho temakunata ashishun: Tranquilu kaqkunaqa manam pletïkunata munayantsu. Mana convieneqcho nunakunapa creencianta contrashqaqa, manam yanapanqatsu alli noticiata wiyayänampaq. Tsemi, pipis mana razumpa kaqta niptenqa, itsa puedishwan contesteta allinö parlamonqanllata. Parlamonqampita alli kaqllata akrashqaqa, itsa tse nunawan shumaq parlarishun y shonqunyaqpis charishun.
3 Pëkuna mana razumpa kaqta parlayamonqanta mana cäsushqaqa, ¿manatsuraq razumpa kaqta neguekaq o llutampa yachekätseq cuenta kanman? Manam. Sirwikoq cristianukunapaqa, comisionnintsikqa manam creenciakunata contrëtsu, sinoqa Reinupita alli noticiakuna willapëmi (Mat. 24:14). Pï karpis mana razumpa kaqta parlamuptin pletunantsikpa rantinqa, rikäshun huk alli tiemputano pensanqankunata musyanapaq (Pro. 16:23).
4 Imëpis respetakushun: Hora kanqam valienti kanapaq y razumpa kaqta valorwan defendinapaq. Tseno kaptimpis, tranquilu nunakuna karninmi, manam asikipaq penqakiman churashuntsu mana alli creyeqkunata o yachatsikoqkunata. Hina manam parlakinintsikwan pekunata despreciantsiktsu. Orgullosu keqa manam yanapamashuntsu wakinkunawan parlanapaq, tsemi humildawan y kuyakipa parlashqaqa, razumpa kaqta kuyaqkunam shumaq wiyamashun. Wiyamaqnintsikkunapa creencianta respetashqaqa shumaqmi sientikuyanqa manam penqakuyanqatsu y más facilmi willapanqantsikta wiyayanqa.
5 Apóstol Pablopis cuentamanmi churarqan willapanqan nunakunapa creenciankunata, pëqa ashirqanmi shumaq imano alli noticiapita parlapeta shonqunkunaman chananrekur (Hech. 17:22-31). Kushishqam ‘llapanman rurakarqan tukilaya nunaman imanopapis wakinllatapis salvanampaq’ (1 Cor. 9:22). Noqantsikpis ejemplunta qatishwanmi mana pleturnin alli willakikunapita willapäkurnin, valienti keta mana dejashpa.