Tapukïkuna kaq

◼ ¿Pitaq willakunman Escuela del Ministerio Teocraticopa, Willapäkïta Yachakunapaq kaqpa, Discurso Publicopa y Estudio de La Atalayapa qallanan kaq canticonta?

Escuela del Ministerio Teocraticopa qallanan kaq canticonqa këkan, programa de la Escuela del Ministerio Teocrático nishqanchomi, këqa yarqamun octubre kaq Reinopita willapäkunapaq suplementochömi. Willapäkïta Yachakunapaq qallanan y ushanan canticonkunaqa këkan, Reinopita willapäkunapaq ishkë kaq päginanchömi. Tsënö kaqllam Atalayata yachakunapaq qotsuna canticopis, ishkë kaq päginancho këkan. Canticokunaqa shamoq kaq reunionpam kayan, tsëmi qateq kaq reunión ruraq wawqillana willakonqa mëqan canticota qotsunapaq kanqantapis, y manam punta kaq reunión dirigeq wawqitsu willakonqa.

Alleq käyirinapaq, Escuela del Ministerio Teocrático dirigeq wawqim, llapan tsëchö këkaqkunata allim ewkayämorqonki nenqa, willakonqa qallanan canticota y dirigenqa escuela teocraticotapis. Tsëpitanam nenqa plataformaman witsänampaq, Willapäkïta Yachakunapaq qallaq wawqita, pëllanam willakonqa tsë reunionpa qallanan canticonta.

Tsënö kaqllam, Discurso Publicota dirigeq wawqipis, allim ewkayämorqonki nirïkur, llapanta nenqa qotsuyänampaq discursaq akranqan canticota. Reunión dirigeq wawqim (o puntallapita nishqa alli wawqim) qallanan oracionta ruranqa. Tsëpitanam pï discursaq kanqanta y discursopa tïtulontapis willakaramonqa. Discurso ushariptinnam reunionta dirigeq wawqi, discursaq nenqanta mana kutipashpa agradecikaramonqa yachakurenqantsikpita. Tsëpitanam shamoq semana discursopaq yarpätsikamonqa, y llapan tsëchö këkaqkunatanam nirenqa Atalayapita yachakur quedariyänampaq. Manam tapukunmanraqtsu discursaqpa congregacionninman saludokunata apatsinampaq. Tsëpitanam reunión dirigeq wawqi nirenqa Atalaya dirigeq wawqita plataformaman witsärinampaq.

Atalaya dirigeq wawqinam willakaramonqa Atalayata yachakur qallanan kaq canticota. Tsë wawqinam “esclavo” nenqannö Atalayata dirigenqa, y ushana kaq canticota willakaramonqa. Discurso ruraq wawqitanam mañarenqa, ushanan kaq oracionta ruramunampaq.

Yachakonqantsikno rurashqaqa, reunionnintsikkuna tsënöllam kanqa llapan congregacionkunacho.