Estudiu biblicuta qallëta procurashun killapa qallanan säbadu
2011 wata mäyu killapita patsëmi, animakëkäyämushqa publicadorkuna killapa qallanan säbadu estudiu biblicuta qallayänampaq. Y “Bibliapita Tapukïkuna” neq Täpakoqchö yachatsikï yarqamoqmi tsëta imanö ruranapaq yanapamantsik. Tsëmi, killapa qallanan säbadu yachatsikoq yarqunapaq reunionchö, tsë yachatsikïpita willakarayämunqa estudiuta imanö qallanapaq, y juk demostraciontam rurarayämunqa.
Killapa qallanan säbadu congregacionpita llapan grüpu juntakëkur Yachatsikuyänan Wayichö o grupïpa ëllukäyänampaq kaqtam anciänukuna decidiyanqa. Tsënö kaptimpis, atska congregacionkuna tsë Yachatsikuyänan Wayillachö ëllukëta munarllaqa, manam cambiariyanmantsu estudiu biblicuta qallë junaqta.