¿Imanötan Kushishqa kawakushun neq libruwan alli yachatsikushwan?

Kushishqa kawakushun neq libruchö videukuna y parlakayämunampaq tapukuykunaqa shumaqmi. Y “Wakin ima niyanqan”, “Kë rurëta procurë” y “Masta yachakuy” neqkunapis alläpam yanapakun yachatsikunqantsikchö. Peru, ¿ima mastan yanapamäshun kë libruwan Bibliapita yachatsikushqa? (Mateu 28:19, 20).

Videukuna y leyinëkipaq kaqkuna. Libruta utilizarqa, ¿videukuna y leyinëkipaq kaqkuna neqta tarita puëdintsikku? Awmi, tsëtaqa tarinki tabletchö o celularchö 1-12 kaq, 13-33 kaq, 34-47 kaq y 48-60 kaqkunata Librarychö lapiri. Cada yachakunqëkipa ushananchömi “Videukuna y leyinëkipaq kaqkuna” neqchö llapan videukunata y cada yachakunëkipaq kaqkunata tarita puëdinki (1 kaq dibüjuta rikäri).

“Edición impresa” ninqan. Bibliapita yachatsikurnin tabletchö o celularchö libruta utilizar y kë libru papelchö imanö kanqanta musyëta munaptikiqa “Edición impresa” neqmi yanapashunki. Yachatsinapaq kaqchö mëqanllachöpis këkarqa, janan derëcha kaq läduchö kima o kimsa kaq puntukunaman ëwari y tsëchö “Edición impresa” neqta lapiri. Tsëmi yanapashunki yachakuykäyanqëki kaqta rikänëkipaq. Kutinëkipaqqa kima o kimsa puntukunaman yapë kuti y “Edición digital” neqta o jawan derëcha kaqchö juk redondu këkaqta lapiri.

“¿Diospita yachatsikoq yarqunäpaq listunaku këkä?”. Kë recuadrukunaqa librupa 48-60 kaqpa ushananchömi këkan y tsëchömi yachatsikoq yarquyänampaq y bautizakuyänampaq imata rurayänampaq kaqta rikätsikun (2 kaq dibüjuta rikäri).

Maslla entiendinëkipaq. Mas yachakunapaq kaqkunaqa “Maslla entiendinëkipaq” neqchömi këkan. Tabletchö o celularchöqa cada yachakunapaq kaqpa ushananchömi lapirir yachakuykanqantsikman kutinapaq kan (2 kaq dibüjuta rikäri).