DIOSNINTSIKTA ALLI SIRWINAPAQ

Qellë tarinan mana fäcil kaptin imanö kanapaq, ¿listuku këkantsik?

Entëru Patsachö qellë asuntupaq problëma kanqanqa manam espantakuypaqtsu. Ushanan tiempukunachömi kawantsik, tsëmi Bibliachö nimantsik, ‘mana confiakuypaq rïcu këman mana markäkunapaq o yärakunapaq’ (1Ti 6:17; 2Ti 3:1). Gobernanti Jehosafatpita yachakunqantsikqa, ¿imanötan yanapamantsik qellë tarinan mana fäcil kaptin listu këkänapaq?

Mëtsë nacionpita chikeqnin soldädukuna atacayaptinmi, Jehosafatqa Jehoväman confiakurqan (2Cr 20:9-12). Y mana atacayänampaqmi markakunata murallatsirqan y soldädukunata churarqan (2Cr 17:1, 2, 12, 13). Noqantsikpis Jehovämanmi confiakunantsik y kananllapitanam mana alli tiempukunapaq alistakunantsik.

¿IMANÖTAN ALISTAKUNKIMAN QELLË TARINAN MANA FÄCIL KAPTIN MANA YARPACHAKUNËKIPAQ?

Jehoväman mas confiakunëkipaq Bibliata alli estudië. Kapushunqëkillawan kushishqa këta yachakuy y cada junaqpaq Jehovä imëkipis mana faltatsimunampaq kaqman confiakuy (Mt 6:26; 1Ti 6:8). Pishipakurpis Bibliachö ninqanta cäsukunëkipaq decidïdu kë (Ro 2:21). Luz o Internet mana kaptin publicacionkunata imanö katsinëkipaq kaqman pensë. Capaz këkunata rurankiman: publicacionkunata papelchö katsinkiman o puëdirqa tabletnikichö o celularnikichö descargashqata katsinkiman.

Llapan wananqëkita alistë. Ama prestakuytsu y mana wananqëkikunata rantir alläpa gastakuytsu, tsënöpa qellë tarinan alläpa difïcil kaptin mana yarpachakunëkipaq (Pr 22:7). Puëdirqa mikuykunata y wananqëki kaqkunata churakuy. Capaz juk markakunachöqa huertayoq kayanqan yanapakunqa qellëta mana alläpa gastakuyänampaq.

DESGRACIAKUNA O MANA ALLIKUNA PASAPTINQA, ¿LISTUKU KËKANKI? NEQ VIDEUTA RIKÄRIR, KËKUNATA CONTESTË:

“¿Desgraciakuna o mana allikuna pasaptinqa, ¿listuku këkanki?” neq videupita dibüju. Biblia, mochïla de emergencia, juk celular, y construccionchö trabajaqkuna.

Desgraciakuna manaraq kaptin, ¿imanötan alistakunkiman?

Your answer

“¿Desgraciakuna o mana allikuna pasaptinqa, ¿listuku këkanki?” neq videupita dibüju. Desgraciakuna pasanqanchömi wawqi panikuna yanapakuykäyan. Wakinmi construccionchö këkäyan y wakinnam juk camionpita cäjakunata bajëkätsiyan.

Jukkunata yanapanëkipaq, ¿imanötan alistakunkiman?

Your answer