Yachakunqëkita jukkunata cuentë

Bibliata estudianqantsikqa alläpam yanapamantsik, peru yachakunqantsikta jukkunata cuentashqaqa masraqmi yanapamantsik. Proverbius 11:25 textuchömi kënö nin: “Yanapakoq kaqtaqa kikintapis yanapayanqam”.

Yachakunqantsikkunata jukkunata cuentashqaqa masmi entiendishun, masmi yarpäshun y cuentanqantsikkunatapis yanapanqam. Tsëta musyarqa kushishqam sientikushun (Hëch. 20:35).

Këta rurë: Shamoq semänachö yachakunqëkita pillatapis cuentanëkipaq kallpachakuy. Capaz familiëkita, juk wawqita o panita, trabajaq mayikita o escuëlachö compañëruykita o vecïnuykita cuentankiman. Cuentanqëkita fäcil-lla entiendiyänampaqqa wallka wallkalla y sencïllu palabrakunallawan parlapë.

Këta yarpë: Yachakunqantsikta jukkunata cuentarqa manam yachaq tukunantsiktsu, sinöqa animanantsikmi (1 Cor. 8:1).