¿Diospa Palabranqa cada junaqmi pushamantsik?

Cada junaq Bibliata leyinqantsikmi yanapamantsik markäkïnintsik sinchi kanampaq (Col. 2:6, 7). Kawënintsikchö yanapamänata munarqa, ninqanmanmi yarpachakunantsik y yachakunqantsikmannömi ruranantsik (Heb. 4:12; Sant. 1:22-25). Tsëpaqqa, Josuë 1:8 textuchömi kima yanapakïkunata tarintsik: 1) Bibliatam ‘paqasta junaqta leyinantsik’; 2) ‘leyinqantsikmanmi yarpachakunantsik’, y imëka tsëchö këkaqnömi sientikunantsik; 3) kallpachakunantsikmi ‘qellqarëkanqanmannö’ ruranapaq. Këkunata rurarqa cada junaqmi yachëwan imatapis rurashun y mas allim kawakushun.