Santiago
11 Cangunaga Job aguantashcadami uyashcanguichi y Jehová Dios pai aguantashcamunda imashina bendiciashcadami rricushcanguichi. Chaimundami Jehová Diosga demas juyaj, llaquijmi gashcada yachanguichi. 14 ¿Pi cangunapuramunda ungushca gashaga? Congregaciomunda ancianogunada cayallun, paigunami Jehová Diosbu shutibi aceiteda churash paimunda mañanajunga. 15 Shungumunda mañashcami ungushca sanoyallun ayudanga, y Jehovami jatachinga. Shinalladi, ima pecadoda rrurrashca gajpiga, perdonashcami ganga. 16 Chaimunda, ama pacash caishuj chaishuj cangunabu pecadogunada huillaichi y caishuj chaishujmunda mañanajuichi, chashnami sanoyachishca ganguichi. Alli jari mañashcaga uyashcami ganga.