LECCIÓN 1

Alli parrlash callari

Hechos 17:22

RESUMEN: Genteguna uyanada munallunga juiladami parrlash callarina gangui, yachachijushca temamundaga intindirinalla shimigunaunmi parrlana gangui, shinalladi imamunda alli gashcadami intindichina gangui.

¿IMASHINADI RRURRANA GANGUI?

Juilada parrlai. Shuj tapuida rrurrash, Bibliamunda shuj temada, causaimunda shuj experienciada o noticiagunabi ima pasajushcadami parrlai pudingui.

Genteguna imabi preocuparishcada o ima temamunda uyanada munashcada alli rricushmi parrlash callari pudingui.
Ima temamunda parrlagrishcada alli intindichi. Imamunda o ima temamunda parrlagrishcadami callari shimigunaun alli intindichina gangui.
Parrlagrijushca tema imamunda importante gashcadami intindichina gangui. Genteguna ima uyanada ministishcada rricushmi yachachina gangui. Paigunalladimi yachashca temamunda beneficiari pudishcada intindina gan.

Shuj discursoda rrurrajushaga, cashna tapuri: “¿Congregacionmunda ñuca huauquipanigunaga ima problemagunadadi charin?”. Chaida alli yachash, callari shimigunada alli preparari.