YACHAI 05
Diosca ñucanchijmanmi Bibliata cushca
Jehová Diosca ñucanchijmanmi Bibliata cushca. Chaipica 66 uchilla librocunami tiyan. Pero, ¿pitaj Bibliataca rurarca? Yaya Diosca Bibliata ñucanchijman cungapaj imata rurashcata ricushun.
1. ¿Runacuna Bibliata escribishca cajpipish imamantataj Bibliaca Diospaj Shimimi can ninchij?
1513 huatamanta (J.m.h.) 98 huatacamami (J.h.q.) Bibliataca 40 runacuna escribirca. 1600 huatacunami pasashcanga. Escribij runacunaca chꞌican chꞌican pueblocunamantami carca. Chꞌican chꞌican costumbrecunatami charirca. Tucui laya runacuna escribijpipish Yaya Dios Bibliata quillcachishcamantami Bibliaca shujlla yuyaita charin (1 Tesalonicenses 2:13-ta liyipai). Cai runacunaca mana paicunapaj yuyaicunata escribircacunachu. Ashtahuanpish Diospaj jucha illaj espíritu yuyachijpimia Diospaj yuyaicunata escribircacuna (2 Pedro 1:21; 2 Timoteo 3:16).
2. ¿Picunataj Bibliata chari tucun?
‘Tucui llajtacuna, tucui familiacuna, chꞌican chꞌican shimita rimajcunami’ Bibliamanta yachai pudincuna (Apocalipsis 14:6-ta liyipai). Diosca Biblia shujtaj librocunamantapish yalli achca shimicunapi tiyachunmi ayudashca. Chaimantami casi tucui gentecuna shuj Bibliata charincuna.
3. ¿Biblia ama chingarichunca Diosca imatataj rurashca?
Bibliataca carapi, papiropimi escribircacuna. Pero chaicunaca dañarijllami carca. Bibliata valorajcunaca copiacunata ruracushpaca Bibliapi tiyaj yuyaicunataca tucuitami copiarcacuna. Huaquin mandajcuna, religionta pushajcuna Bibliata chingachisha nijpipish shujtajcunaca huañuna cashpapish Bibliata ama chingachichunmi cuidarcacuna. Chashnami Jehová Diosca shujtajcuna paimanta yachanata jarcachun mana saquirca. Bibliapica Diospaj Shimica huiñaicamami tiyanga ninmi (Isaías 40:8).
ASHTAHUAN YACHAI
Yaya Dios Bibliata quillcachingapaj imata rurashcata, Bibliata ama chingachichun imata rurashcata, gentecuna Bibliata charichun imata rurashcatapish yachai.
4. Bibliallatajmi chaipi tiyaj yuyaicuna pipaj cashcata huillan
VIDEOTA ricui. Qꞌuipaca 2 Timoteo 3:16-ta liyipai. Y cai catij tapuicunatami yachashun:
¿Runacuna Bibliata escribijpipish imamantataj Bibliaca Diospaj Shimimi can ninchij?
¿Bibliata escribichun Yaya Dios runacunaman paipaj yuyaita cushcata cringuichu?
Shuj secretarioca shuj cartata escribijpipish chaipi tiyaj yuyaicunaca jefepajmi can. Chashnallataj runacuna Bibliata escribijpipish chaipi tiyaj yuyaicunaca Diospajmi can.
5. Bibliataca mana tucuchi pudishcacunachu
Bibliapi tiyaj yuyaicuna Diospaj cajpica paillatajmi cuidashcata crinchij. Cai tucui huatacunatami mandajcuna, religionta pushajcunapish Bibliata chingachisha nishcacuna. Pero huaquin gentecunaca paicuna huañuna cashpapish Bibliata cuidashcacunami. Shuj runa Bibliata cuidangapaj imata rurashcata ricui. VIDEOTA ricui. Qꞌuipaca cai catij tapuitami yachashun:
Achca gentecuna huañuna cashpapish Bibliata ama chingachichunmi cuidashcacuna. ¿Chaita yachashpaca Bibliata liyinata munanguimanchu?
Salmo 119:97-ta liyipai. Qꞌuipaca cai catij tapuitami yachashun:
¿Imamantataj achca gentecunaca huañuna cashpapish Bibliata traducishcacuna, Bibliata charichun ayudashcacuna?
6. Bibliaca tucui laya gentecunapajmi can
Bibliallami tucui librocunamantapish yalli ashtahuan traducishca can. Y casi tucui gentecunami charincuna. Hechos 10:34, 35-ta liyipai. Qꞌuipaca cai catij tapuicunatami yachashun:
¿Imamantataj Yaya Diosca Bibliata achca shimicunapi traducichun, gentecunapish charichun munan?
¿Bibliapi tiyaj yachaicunamantaca imatataj ashtahuan munangui?
Casi
100%
gentecunami mundo enteropi
paicunapaj propio shimipi Bibliata charincuna.
Bibliaca casi
3.000
shimicunapimi tiyan.
Maijan Bibliacunaca completomi o shuj partellatami charin.
Casi 5 mil millones
de copiacunatami rurashcacuna.
Shujtaj librocunaca mana chai tucui copiacunata charinchu.
HUAQUINCUNACA: “Bibliaca ñaupa libromi can. Gentecunallami escribirca” nincunami.
¿Canca imatataj yuyangui?
¿Biblia Diospaj Shimi cashcataca ima shinataj yachangui?
YUYARISHUNCHIJ
Bibliaca Diospaj Shimimi can. Yaya Diosca tucui gentecuna Bibliata charichunmi ayudan.
Yuyaringapaj tapuicuna
¿Runacuna Bibliata escribichun Yaya Dios espíritu santota cushcataca ima shinataj yachangui?
¿Biblia mana chingarishcamanta, gentecuna Bibliata chari tucushcamanta, shujtaj shimicunapi traducishcamantaca imatataj yuyangui?
¿Yaya Dios Bibliata ñucanchijman cushcamanta ima shinataj sintiringui?
CAICUNATAPISH RICUI
Biblia ñaupa tiempo shimicunapi quillcashca cashpapish ima shina cunan tiempopi tiyaj shimicunapi quillcashca cashcata yachai.
“Bibliaca imamantataj cunancama tiyashpa catin” (Rijchari, noviembre de 2007)
Contracuna Bibliata tucuchisha nijpipish Biblia ima shina tiyashpa catishcata yachai.
Huaquincuna huañuna cashpapish Bibliata traducishcata ricui.
Bibliatami achca cutin copiashcacuna, traducishcacuna. Pero ¿Bibliapi tiyaj yuyaicuna mana cambiashca cashcataca ima shinataj yachanchij?
“¿Diospaj Shimipi tiyaj yuyaicunataca cambiashcacunachu?” (jw.org paginapi ricui)