Cushilla causai nishca librohuan shujtajcuna Yaya Diospi, Jesuspi crichun ayudashunchij

Bibliamanta estudiajcunaca Yaya Diosta cushichingapajca sinchi fetami charina can (Heb 11:6). Ñucanchijca Cushilla causai nishca librohuanmi paicunata ayudai tucunchij. Cai libropica alaja versocuna, intindirinalla yuyaicuna, alli tapuicuna, sumaj dibujocuna, videocunapishmi tiyan. Yachacujcunata alli cualidadcunata charichun, Dioshuan alli apanacuchun ayudajpica llaquicuna shamujpipish yachacujcunaca Diospimi sinchi feta charingacuna (1Co 3:12-15).

Huaquincunaca Diosta mana ricui tucushcamantami paipaj amigos mana cai tucushcata yuyancuna. Chaimantami paicunataca Jehová Diosta rijsichun, paipi confiachun ayudana canchij.

“CUSHILLA CAUSAI” NISHCA LIBROHUAN SHUJTAJCUNA DIOSPI CRICHUN AYUDASHUNCHIJ NISHCA VIDEOTA RICUSHCA QꞌUIPACA CAI TAPUICUNATA CUTICHI:

• ¿Yachachij panica Bibliamanta yachachingapaj allichirishcataca ima shinataj ricuchirca?

• Yachacuj huarmi Isaías 41:10, 13-manta imata yuyashcata parlachunca, ¿yachachij panica ima tapuicunatataj rurarca?

• ¿Yachacuj huarmica videota ricushca qꞌuipa, versocunata intindishca qꞌuipaca ima shinataj sintirirca?

Huaquin gentecunapajca Jesús cada unomanta huañushcata crina, Yaya Dios ñucanchijta cꞌuyashcamanta Jesusta cachashcata crinaca sinchimi can (Gál 2:20). Chaimantami paicunataca Jesús, paicunamanta huañushcata crichun ayudana canchij.

“CUSHILLA CAUSAI” NISHCA LIBROHUAN SHUJTAJCUNA JESUSPI CRICHUN AYUDASHUNCHIJ NISHCA VIDEOTA RICUSHCA QꞌUIPACA CAI TAPUICUNATA CUTICHI:

• ¿Yachachij huauquica Bibliamanta yachachingapaj allichirishcataca ima shinataj ricuchirca?

• ¿Yachachij huauquica yachacujta ayudangapajca ima shinataj “Caicunatapish ricui” nishca parteta ­utilizarca?

• ¿Yachacujmanta mañanaca imamantataj valishca can?