JESÚS SHINA CAUSASHUNCHIJ

Huiñai huiñaita cushilla causai

Bibliamanta yachachingapaj Huiñai huiñaita cushilla causai nishca folletota, librota charishcamantami cushilla sintirinchij. Gentecunata Jesusta catijcunata rurashpa ayudachunmi cancunamanta Diosta mañacunchij (Mt 28:18-20; 1Co 3:6-9). ¿Ima shinataj caicunahuan yachachi tucunchij?

Huiñai huiñaita cushilla causai nishca librohuan yachachingapajmi cai catij yuyaicunata pajtachina canchij.a

Parrafocunata liyishca qꞌuipaca chaipi tiyaj tapuicunamanta yachacujhuan parlai.
“Liyipai” nishca versocunata liyi. Chai huashaca yachacujcunaman liyishca versocunata alli intindichi.
Videocunata ricushca qꞌuipaca chaipi tiyaj tapuicunata rurashpa parlai.
Cada yachaita shuj punllallataj tucui yachachingapaj esforzari.

Gentecuna Bibliamanta yachanata munajpica Huiñai huiñaita cushilla causai nishca folletohuan yachachi callari (“Huiñai huiñaita cushilla causai nishca folletota saquingapaj” nishca recuadrota página 16-pi ricui). Chai folletohuan yachachishca qꞌuipaca yachacuj ashtahuan yachasha nijpica mushuj libropi yachai 4-ta yachachi callari. Cutin Bibliamanta yachashunchij nishca librohuan o Yaya Diosta cꞌuyashpa cati nishca librohuan yachacujcuna yachacujpica Huiñai huiñaita cushilla causai nishca libropi maijan yachaihuan yachachishpa catinata agllai.

Chai cusa huarmica Huiñai huiñaita cushilla causai nishca librohuanmi buscuna shayarin lugarpi predicashca runaman paipaj huasillapitaj yachachicun.

BIBLIATA ESTUDIANGAPAJ ALLI SHAMUSHCA NISHCA VIDEOTA RICUSHCA QꞌUIPACA CAI TAPUICUNATA CUTICHI:

¿Mushuj libromanta yachacujcunaca imatataj yachanga?
¿Imamantataj mushuj yachacujcunamanca cai videotaca ricuchina canchij?
¿Yachacujcuna ima metacunata asha asha pajtachichuntaj ayudana canchij? (“Libropi tiyaj chuscu partecuna” nishca recuadrota página 16-pi ricui).

a NOTA: Estudiota cucushpaca “Caicunatapish ricui” nishca partetaca maipica mana tucuita yachachinachu canchij. Pero yachachingapaj preparacushpaca cai partetapishmi alli ricuna canchij. Chashnami yachacuj caimanta imallata yachanata minishtishcata cuentata cushun. JW Library^® aplicacionpi, jw.org paginapica cai libropi tiyaj videocunata, informaciontami chaillapitaj ricui tucungui.

LIBROPI TIYAJ CHUSCU PARTECUNA
	YACHAI	CAITAMI YACHACHIN	YACHACUJCUNAPAJ METACUNA
1	1-12	Caipica yachacujca Biblia yachachishcacuna ima shina ayudai tucushcata, Diosta ima shina rijsi tucushcatami yachanga.	Yachacuj Bibliata liyichun, Bibliamanta yachangapaj preparachun, tandanacuicunaman richun ayudai.
2	13-33	Caipica Dios ñucanchijmanta imata rurashcata, paita ima shina adorachun munashcatami yachanga.	Yachacuj shujtajcunaman predicai callarichun, publicador tucuchun ayudai.
3	34-47	Caipica Jehová Dios imata rurachun mandashcatami yachanga.	Yachacuj Diosman mingarishpa bautizarichun ayudai.
4	48-60	Caipica Yayitu Diosta cꞌuyashpa catinatami yachanga.	Yachacuj ima alli cashcata, ima mana alli cashcata alli intindichun, Diospajmanpish ashtahuan cꞌuchuyachun ayudai.