¿Diablochu tucui llaquicunamanta culpata charin?

Bibliaca caitami yachachin

Diablota mana ricushpapish Bibliapica pai tiyashcatami yachachin. Diabloca huañuchijcunapaj mandaj shinami can. Paipaj munaita rurachun nishpami gentecunata umacun. Chaimantami Bibliapica: “achij nicuj ángel shina tucunllami” nin (2 Tesalonicenses 2:9, 10; 2 Corintios 11:14). Millai ruraicunata ricushpami Diablo tiyashcata yachanchij.

Shinapish paica tucui llaquicunamanta culpata mana charinchu. ¿Imamantataj chaita ninchij? Diosca gentecunallatajmi allita ruranata o mana allita ruranata agllachun saquishca (Josué 24:15). Mana allita ruranata agllashpaca, ñucanchijllatajmi llaquicunata charinchij (Gálatas 6:7, 8).