Diosta uyai folletohuan ima shina yachachinata ricushun

Diosta uyai nishca folletoca mana alli leyinata yachaj gentecunapajmi can. Dibujocunahuan Bibliamanta yachachingapajmi rurashca can. Cada leccionmi sumaj dibujocunata ishqui paginacunapi charin. Punta dibujomanta callarishpa catij dibujocunata ricushpa yachangapajmi can.

Huiñaita causangapajca Diosta uyai folletoca, Diosta uyai folletopi tiyaj dibujocunallatatajmi charin. Shinapish cai folletoca ashtahuan letracunatami charin. Alli leyinata yachaj gentecunatami cai folletohuanca yachachi tucungui. Huaquincunaca Huiñaita causangapajca Diosta uyai folletohuanmi Diosta uyai folletotaca yachachincuna. Huaquin paginacunaca ashtahuan yachangapajmi shuj cuadrota charin. Chai cuadromantapishmi yachachi tucungui.

Tucui quillacunami cai ishqui folletocunahuan huillai tucungui. Bibliamanta yachachicushpaca dibujocunahuanmi Bibliamanta alli entendichina cangui. Yachacujpish parlachunmi tapuicunata rurana cangui. Chashnami entendicushcata o mana entendicushcata yachangui. Tucuri paginapi ricurij versocunata leyishpami entendichina cangui. Cai folletota yachashpa tucuchijpica ¿Bibliaca imatataj yachachin? librotami yachachi tucungui. Chashnami yachacuj bautizarichun ayudangui.