¿Jonás libromantaca imatataj yachacunchij?

Diosta sirvij huaquin cꞌaricunapaj huarmicunapaj causaimantami Jehová Diosca Bibliapi tiyachun saquishca (Ro 15:4). ¿Jonás libromantaca imatataj yachacushcangui? Familiahuan Diosta Adorana: Diosca llaquij cashcata yachashunchij (Jonás) nishca videota ricushpa cai tapuicunata cutichi:

• ¿Videopi ricushca huauqui panicunaca ima problemacunatataj charirca?

• ¿Disciplinajpi o congregacionpi mingashcacunata saquichun nijpi Jonás libroca ima shinataj ñucanchijta animan? (1Sa 16:7; Jon 3:1, 2).

• ¿Ñucanchij huillacushca llajtapi gentecuna mana uyasha nijpica ima shinataj Jonasmanta yachashpaca animari tucunchij? (Jon 4:11; Mt 5:7).

• ¿Shuj millai ungüita charishpaca imatataj Jonás shina rurai tucunchij? (Jon 2:1, 2, 7, 9).

• ¿Cai videoca imataj yachachin Bibliata leyinamanta, leyishcapi yuyanamantapish?