ALLI YACHACHIJCUNA CASHUNCHIJ | ALAJATA YACHACHISHUNCHIJ
Ñucanchij huauqui panicunahuan
Jehová Diosca huauqui panicunahuanmi ñucanchijta ayudan (1Pe 5:9). Paicunaca ima jarcaita charijpipish predicashpa catichunmi ayudancuna. Apóstol Pablotapish predicashpa catichunca Áquila, Priscila, Silas, Timoteo, caishuj huauqui panicunapishmi ayudarcacuna (Hch 18:1-5).
¿Huauqui panicunaca huillanapica ima shinataj ayudancuna? Paicunaca mana uyasha nijcunaman ima shina predicanata, yachasha nijcunata cutin visitanata, shuj estudiota ima shina callarichinata, yachacujman ima shina yachachinatami yachachincuna. Chaimanta congregacionpi shuj huauqui o pani canta ayudachun mañailla. Chashna rurashpaca ishquindij beneficiarishpami cushilla sintiringuichij (Flp 1:25).
JESUSTA CATIJCUNA TUCUCHUN AYUDASHPA CUSHICUSHUNCHIJ. JEHOVÁ AYUDACHUN SAQUISHUNCHIJ: ÑUCANCHIJ HUAUQUI PANICUNA NISHCA VIDEOTA RICUSHCA QꞌUIPACA CAI TAPUICUNATA CUTICHI:
¿Ritaca Coral tandanacuicunaman richunca ima shinataj animarca?
¿Imamantataj huauqui panicunataca Bibliamanta shuj estudiota cungapajca invitana canchij?
Congregacionpica tucuicunami shuj yachacuj bautizarichunca ayudanchij.
¿Pani Abigailpish Coralpish ishquindij imatataj munajcuna carca?
¿Alli predicaj cangapajca huauqui panicunamantaca imatataj yachai tucungui?