ALLI YACHACHIJCUNA CASHUNCHIJ | ALAJATA YACHACHISHUNCHIJ
Bibliamanta yachacujcunata ima shina estudiachun
Bibliamanta yachacujcunataca paicunapaj feta sinchiyachichun, Jehová Diospajman ashtahuan cꞌuchuyachunmi yachachina canchij. Paicunaca paicunallatajmi Bibliataca estudiana can (Mt 5:3; Heb 5:12–6:2). Yachacujcunataca Bibliata estudiai callari horasmantami paicunataca Bibliata paicunallataj liyichun animana canchij.
Yachacujcunataca Bibliamanta yachai callari horasmantami paicunallataj Bibliata estudiachun, liyichun animana canchij (mwb18.03 6). Paicunallataj Bibliata manaraj estudiashpa Yayitu Diosta mañachun animashunchij. Shinallataj yachacujcunataca jw.org paginapi, JW Broadcasting® programapi, cunanlla llujshishca publicacioncunata, videocunata mashcachun yachachishunchij. Shinallataj yachacujcunataca Bibliata cada punlla liyichun, tandanacuicunapaj alli prepararichun, ima mana intindishcatapish alli investigachun yachachishunchij. Pai ima yachacushcapipish cutin cutin yuyachun animashunchij.
BIBLIAMANTA YACHACUJCUNATA IMA SHINA ESTUDIANATA YACHACHI NISHCA VIDEOTA RICUCHISHCA QꞌUIPACA CAI TAPUICUNATA CUTICHI:
¿Ritaca ima shinataj Coraltaca Bibliata alli estudiachun yachachirca?
¿Coralca ima shinataj huainayana Yayitu Diospaj mana alli cashcata intindirca?
Bibliamanta yachacujcunataca Biblia yachachishcacunata paicunapaj causaipi pajtachichun ayudashunchij.
¿Coralca Yayitu Dios yachachishcacunapi yuyangapaj tiempota surcuna cashcataca ima shinataj intindirca?