ALLI YACHACHIJCUNA CASHUNCHIJ | ALAJATA YACHACHISHUNCHIJ
Tandanacuiman richun ayudashpa
Jehová Diosta adorangapaj tandanacuicunaman rinaca importantemi can (Sl 22:22). Tandalla Jehová Diosta adorajcunaca cushicushpami achca bendicioncunata chasquincuna (Sl 65:4). Bibliamanta yachacujcunaca tucui tandanacuicunaman rishpaca Diosman mingarishpami rato bautizarincuna.
¿Bibliamanta yachacujcunataca tandanacuicunaman richunca ima shinataj ayudai tucunchij? Yachacujcunata tandanacuicunaman richun cutin cutin invitashunchij. ¿Ñucanchij tandanacuicunapica imatataj ruranchij? nishca videotapishmi ricuchi tucunchij. Tandanacuicunaman rishpa ima shina beneficiari tucushcatapishmi intindichina canchij (lff yachai 10). Yachacujcunamanca tandanacuicunapi imata yachashcata o imata yachagrishcatami paicunamanca intindichina canchij. Tandanacuicunapi imata yachagrishca temacunata charij publicacioncunatapishmi cui tucunchij. Pudishpaca yachacujtaca tandanacuicunaman richunmi ayudai tucunchij. Paicuna tandanacuiman punta cutin rijpica cushillami sintirishun (1Co 14:24, 25).
BIBLIAMANTA YACHACUJCUNATA TANDANACUIMAN RICHUN AYUDAI NISHCA VIDEOTA RICUSHCA QꞌUIPACA CAI TAPUICUNATA CUTICHI:
¿Ritaca Coralta tandanacuicunaman invitangapajca imatataj rurarca?
¿Bibliamanta yachacujcuna tandanacuiman rijpica imamantataj cushilla sintirinchij?
‘Diosca cancunapurapitajmari cashca’.
¿Coralca punta cutin tandanacuiman rishpaca ima shinataj sintirirca?