¿Llaquicuna japishca huashaca ima shinataj ayudai tucunchij?

Cunan punllacunapica achca llaquicuna, terremotocuna, tamiacuna, acapanacunami tiyan. Chai llaquicuna tiyajpica llaquipi cajcunata ayudangapajca alli organizadosmi cana canchij. Chaimantami Cuerpo Gobernante huauquicunaca cada sucursalpi shuj Departamento de Socorro tiyachun rurarcacuna.

Chai departamentopi sirvij huauquicunaca jatun llaqui tiyashca lugarpi causaj ancianocunamanmi rato cayancuna. Huauqui panicuna ima ayudata minishticushcata yachangapajmi chashna cayancuna. Chaipi causaj huauqui panicunaca jatun llaqui tiyashcamantachari achca ayudata minishtingacuna. Chaipimi sucursalpi caj huauquicunaca alli yachaj huauquicunata ayudachun cachangacuna. Chai huauquicunaca voluntario huauqui panicunata chaipi ayudanaman richunmi cayai tucuncuna. Donacioncunatapish, minishtishca cosascunatapish cuchunmi mañai tucuncuna. Mana cashpaca minishtishca cosascunatami randi tucuncuna. Chai tucui minishtishca cosascunata huauqui panicunaman cungapajmi tucuita organizangacuna.

Tucui alli llujshichunmi cai pushaj huauquicuna ima nishcata pajtachina canchij. Paicunatami apoyana canchij. Ima mana desperdiciarichunca ñucanchij munaillamanta, yuyaillamantaca imatapish mana ruranachu canchij.

Sucursalmanta cachashca huauquicunaca mashna cullqui minishtishcata, mashna voluntariocuna ayudanaman rina cashcatami ricungacuna. Cai huauquicunaca huauqui panicunata rato ayudanata saquichunmi autoridadcunahuanpish parlai tucuncuna. Chaimantami cambaj yuyaillamanta ayudasha nishpaca cullquita mana tandachina cangui. Ima cosascunatapish mana cachanallachu cangui. Ancianocunaman manaraj tapushpapish chaipi ayudanaman mana rinallachu cangui.

Shinapish llaquicuna tiyai horaspica ñucanchij huauqui panicunata cꞌuyashcamantami ayudasha ninchij (Heb 13:16). ¿Paicunataca ima shinataj ayudai tucunchij? Llaquita charij huauqui panicunamanta, chaipi ayudacuj huauqui panicunamantapishmi Yayitu Diosta mañana canchij. Obra mundialpajpishmi cullquita cui pudinchij. Sucursalpi caj huauquicunaca tucui cushca cullquicuna maillapi ashtahuan minishticushcatami alli ricui tucuncuna. Cutin chaipi ayudanaman risha nishpaca puntapica Solicitud de voluntario local de diseño y construcción (DC-50) nishcatami jundachina canchij.

BRASILPICA YACUMI JUNDARCA NISHCA VIDEOTA RICUSHCA QꞌUIPACA CAI CATIJ TAPUITA CUTICHI:

¿Brasilpi llaqui tiyajpica huauqui panicunaca ima shinataj ayudanacurcacuna?