¿Imamantataj Jesuspaj shutipi mañana canchij?

Bibliaca caitami yachachin

Yayitu Diosca Jesuspaj shutipi paita mañachunmi munan. Jesuspaj shutipi mañajllapimi Diosca ñucanchij mañashcacunata chasquin. Jesusca: “Ñucamari ñan cani, mana llullapish, causaiyujpish cani. Yayapajmanca pi mana paillatajca chayai tucunchu. Ñucami Yayapajman chayachij ñan cani” nircami (Juan 14:6). Paipaj catijcunamanpish “tucui imatapish ñucamanta Yayata mañajpica, paica cungallami” nircami (Juan 16:23).

¿Ima shujtaj razoncunamantataj Jesuspaj shutipi mañana canchij?

• Jesustapish Jehová Diostapish jatunyachishcatami ricuchinchij (Filipenses 2:9-11).

• Yaya Dios ñucanchijta quishpichingapaj paipaj Churipaj causaita cushcamantami agradicishcata ricuchinchij (Mateo 20:28; Hechos 4:12).

• Jesusmanta Yaya Diospajman cꞌuchuyai tucushcatami intindinchij (Hebreos 7:25).

• Jesucristo ñucanchij jatun pushaj sacerdote cashcamanta paita respetashcatami ricuchinchij. Paimantami Diospaj ñaupajpi alli ricuri tucunchij (Hebreos 4:14-16).