¿Jesús cai Allpapi cashpaca imatataj rurarca?

Jesuspi yuyashpaca achca gentecunaca shuj llullu huahua cashcata, alli runa cashcata o llaquita huañushcatami yuyancuna. Pero Jesús cai Allpapi cashpa imata rurashcata yachashpami paita ashtahuan rijsishun. Shinallataj paimanta yachanaca ima shina canta ayudai tucushcatami ricushun.

1. ¿Jesuspajca imata ruranataj ashtahuan valishca carca?

Jesuspajca ‘Dios mandagrin alli huillaicunata’ huillanami ashtahuan valishca carca (Lucas 4:​43-ta liyipai). Jesusca Diospaj Mandanamanta o Diospaj Gobiernomantami yachachirca.a Chai Gobierno gentecunapaj llaquicunata tucuchinatapishmi huillarca. Jesusca quimsa huata chaupitami cai alli huillaicunata huillarca (Mateo 9:35).

2. ¿Jesús rurashca milagrocunaca imatataj ricuchirca?

Bibliapica Yaya Diosca Jesustami ‘pi mana ruraipajcunatapish, mancharinacunatapish rurachirca’ ninmi (Hechos 2:22). Yaya Dios Jesusman poderta cujpimi Jesusca achca huaira, tamya jatarijpi jarcarca. Achca gentecunamanpishmi micunata cararca, ungushcacunatapishmi jambirca, huaquin huañushcacunatapishmi causachirca (Mateo 8:23-27; 14:15-21; Marcos 6:​56; Lucas 7:11-17). Jesús rurashca milagrocunami Dios paita cachashcataca ricuchirca. Shinallataj Dios tucui llaquicunata tucuchingapaj poderta charishcatapishmi ricuchirca.

3. ¿Jesusca paipaj causaihuanca imatataj ricuchirca?

Jesusca paipaj Yayataca tucuipimi cazurca (Juan 8:​29-ta liyipai). Paica huañungacamami paipaj Yaya mandashcata rurarca. Paica jarcaicunata charishpapish paipaj Yaya mingashcatami pajtachirca. Jesusca sinchi llaquicunata charishpapish Diosta tucui shunguhuan sirvi tucushcatami ricuchirca. Chashnami Jesusca ‘pai rurashcata alli catichun ejemplota saquirca’ (1 Pedro 2:​21, NWT).

5. Jesusca valishca yuyaicunatami yachachirca

Jesusca Diospaj Gobiernomantami huillarca. Cushilla causangapajca imata rurana cashcatapishmi yachachirca. Jesús shuj urcupi yachachishcacunamanta huaquin consejocunata ricushun. Mateo 6:​14, 34 y 7:12-ta liyipai. Qꞌuipaca cai catij tapuicunatami yachashun:

• ¿Mateo 6:​14, 34 y 7:​12-pica Jesusca ima consejocunatataj curca?

• ¿Jesús cushca consejocunaca cunan punllacunapi gentecunata ayudai tucunchu?

6. Jesusca milagrocunatami rurarca

Jesús milagrocunata rurachunca Jehová Diosmi poderta curca. Shuj milagromanta yachangapajca Marcos 5:​25-​34-ta liyipai. VIDEOTAPISH ricui. Qꞌuipaca cai catij tapuicunatami yachashun:

VIDEO: Shuj ungushca huarmimi jambirirca (5:10)

• ¿Videopi ricurij ungushca huarmica imatataj crirca?

• ¿Chai milagromantaca imatataj yuyangui?

Juan 5:36-ta liyipai. Qꞌuipaca cai catij tapuitami yachashun:

• ¿Jesús rurashca milagrocunaca imatataj ricuchin?

YUYARISHUNCHIJ

Jesusca Diospaj Gobiernomantami yachachirca, milagrocunatapishmi rurarca. Yaya Diostapish siempremi cazurca.

Yuyaringapaj tapuicuna

• ¿Jesús cai Allpapi cashpaca imatataj ashtahuan rurarca?

• ¿Jesús rurashca milagrocunaca imatataj ricuchirca?

• ¿Gentecuna cushilla causachunca imata rurachuntaj yachachirca?

CAICUNATAPISH RICUI

¿Jesusca imatataj ashtahuan yachachirca?

“¿Jesuspajca Diospaj Gobiernomanta huillanaca imamantataj valishca carca?” (Huillaj, 1 de octubre de 2014)

Jesuspaj milagrocuna imamanta cierto cashcata ricui.

“¿Jesuspaj milagrocunamantaca imatataj yachanchij?” (Huillaj, 15 de julio de 2004)

Jesusca mana paillapi yuyashpa causarcachu. Shuj runa Jesusmanta yachashpa cambiashcata liyi.

“Ñucallapimi yuyaj carcani” (Huillaj, 1 de octubre de 2014)

Jesús imalla rurashcata fechacunahuan ricui.

“Cai Allpapi cashpa Jesús imallata rurashcacuna” (La Biblia. Traducción del Nuevo Mundo, apéndice A7)