REVISITACUNATA RURAI
YACHAI 7
Ama shaicurishpa yachachishpa cati
Hechos 5:42-pica: ‘Tucui punllacunami alli huillaicunata huillashpa, yachachishpa catircacuna’ ninmi.
¿Apóstol Pabloca imatataj rurarca?
1. VIDEOTA ricui. Mana cashpaca Hechos 19:8-10-ta liyipai. Qꞌuipaca cai catij tapuicunapi yuyai:
¿Huaquincuna jarcashun nijpipish Pabloca yachachishpa catingapajca imatataj rurarca?
¿Yachasha nijcunamanca Pabloca mashna cutincunataj yachachij carca? ¿Mashna tiempotataj yachachishpa catirca?
¿Apóstol Pablopaj ejemplomantaca imatataj yachanchij?
2. Revisitacunata rurangapajpish, piman Bibliamanta yachachi callaringapajpishmi esforzarina canchij, tiempotapish surcuna canchij.
Apóstol Pablo shina rurai
3. Huasiyuj pudishca horaspi visitai. Cashna tapuri: “¿Paihuan cutin parlangapajca maipitaj, ima horataj parlai pudisha? Cutin ¿huasiyujca maipitaj, ima horataj pudinga?”. Sinchi cajpipish huasiyuj pudishca horaspi visitangapajmi esforzarina cangui.
4. Ima hora, ima punlla tigranata huillai. Huasiyujhuan parlanata manaraj tucuchishpaca ima punllapi, ima horaspi cutin visitanatami huillana cangui. Chai punlla chayajpica mana faltanachu cangui.
5. Ama shaicurishpa mashcashpa cati. Maipica huasiyujca ocupadomi can. O mana cashpaca huasiyujca manachari huasipi. Chaipica ña mana yachasha nishcataca mana yuyanachu cangui (1 Corintios 13:4, 7). Chaipaj randica paita mashcashpa cati. Pero tiempota alli aprovechai (1 Corintios 9:26).