Gentecuna imata munashcamanta parlai

¿Jesusca imatataj rurarca?

VIDEO: Jesusca shuj pugyu cꞌuchupi cashpaca shuj huarmihuanmi parlarca

1. VIDEOTA ricui. Mana cashpaca Juan 4:​6-9-ta liyipai. Qꞌuipaca cai catij tapuicunapi yuyai:

1. ¿Chai huarmihuan manaraj parlashpaca Jesusca imatataj ricurca?

2. Jesusca: “Asha yacuta ubyangapaj cuhuai” nircami. ¿Chashna parlashpa callarinaca imamantataj alli carca?

¿Jesuspaj ejemplomantaca imatataj yachanchij?

2. Gentecuna imamanta preocuparishcamanta, imata munashcamantami parlashpa callarina canchij. Chaita rurajpica ñucanchijhuan parlanatachari munangacuna.

Jesús shina rurai

3. Gentecuna munashcapi yuyai. Gentecunahuan parlashpa callaringapajca mana can imata munashcamantachu parlana cangui. Ashtahuanpish gentecuna imata munashcamantami parlana cangui. Cai catij tapuicunapi yuyai:

1. “¿Ima noticiacunamantataj gentecunaca parlacun?”.

2. “¿Vecinocuna, trabajopi o escuelapi compañerocunaca imacunallamantataj parlanacuncuna?”.

4. Alli ricuj cai. Cashna tapuri:

1. “¿Paica cai ratoca imatataj ruracun? ¿Imapishi yuyacun?”.

2. “¿Paipaj churanata, paipaj ñahuita, paipaj huasita ricushpaca imapi crishcata, maijan culturamanta cashcatachu yachai tucuni?”.

3. “¿Paihuan cai rato parlashpa callaringapajca allichu canga?”.

5. Alli uyaj cai.

1. Ama yallitaj parlai.

2. Huasiyuj parlachun saqui. Huaquinpica alli ricushpa, alli yuyashpa tapuicunata rurai.