ESTRÉS UNGÜITA MISHAI
Shuj punllaca estrés ungüi ña mana tiyangachu
Bibliamanta yachashpami mana yallitaj sustarishca causashun. Ñucanchijllataj estresmanta librarinataca mana pudinchijchu. Pero Yaya Diosmi ayudanga. Diosca ñucanchijta ayudachunmi Jesusta agllashca. Jesús cai Allpapi cashpaca sumaj cosascunatami rurarca. Shamuj punllapicarin maihuan yalli sumaj cosascunatami ruranga. Imallata ruragrishcata ricushun.
JESUSCA UNGUSHCACUNATAMI JAMBINGA
‘Tucui nanaicunahuan cajcunata, chꞌican chꞌican ungüihuan llaquita apacujcunata pushamujpimi tucuicunata alliyachirca’ (MATEO 4:24).
JESUSCA MICUNACUNATA HUASICUNATAMI CUNGA
“Huasicunatami shayachingacuna. Chaipimi causangacuna. Uvacunatami tarpungacuna. Chaipi pꞌucushcacunatami micungacuna. Shujtajcuna causachunllaca mana huasichingachu. Shujtajcuna micuchunllaca mana tarpungacunachu” (ISAÍAS 65:21, 22).
JESUSCA SUMAJ CAUSAITAMI CUNGA
‘Paipaj punllacunapica cashcata ruranacunallami sisanga. Sumaj causaillami yallitaj tiyanga. Luna mana tiyangacamami chashna canga. ¡Paica mama cucha shuj ladomantaca, caishuj ladocamami mandanga. Jatun yacumanta callarishpaca tucui cai pachatami mandanga! Paita pꞌiñajcunaca ñutu allpatami lambingacuna’ (SALMO 72:7-9).
JESUSCA TUCUI MILLAICUNATAMI TUCUCHINGA
“Mana mitsari tucujcunata llaquingami. Huajchacunapaj causaitaca huaquichingami. Paicunataca umashca, llaquichishca causacunmanta llujshichingami” (SALMO 72:13, 14).
JESUSCA LLAQUICUNATA HUAÑUITAMI TUCUCHINGA
“Huañuipish, huacaipish, llaquipish, nanaipish ña mana ashtahuan tiyangachu” (APOCALIPSIS 21:4).